نوادہ، 4 جولائی (ہ س)۔ نوادہ ضلع کے سردلا فاریسٹ ڈویژن کے رینج افسر ورجیندر کمار کی قیادت میں محکمہ جنگلات نے ہفتہ کے روزہسوا تھانہ علاقہ کے بھداسینی پنچایت کے تحت چترگھاٹی گاؤں میں چل رہے غیر قانونی لکڑی کے کارخانے پر چھاپہ ماری کر لکڑی کی غیر قانونی تجارت کے خلاف بڑی کارروائی کی۔ چھاپہ ماری کے دوران آپریٹر کنال سنگھ موقع سے فرار ہو گیا، جبکہ محکمہ جنگلات کی ٹیم نے کارخانے کو سیل کر دیا اور جائے وقوعہ سے لکڑی، مشینری اور دیگر شواہد قبضے میں لے لیے۔رینج آفیسر ورجیندر کمار نے بتایا کہ خفیہ اطلاع ملی تھی کہ چترگھاٹی گاؤں میں غیر قانونی آرا مل چل رہی ہے، بغیر کسی پرمٹ کے لکڑی کو ذخیرہ کیا جا رہا ہے۔

اطلاع کی تصدیق کے بعد مشترکہ چھاپہ ماری ٹیم تشکیل دی گئی۔ اس کاروائی میں کواکول رینج افسر سوربھ شانڈیلیہ، مانجھاوا فاریسٹ آفیسر جتیندر کمار، محکمہ جنگلات کے دیگر اہلکار، اور پولیس اور اہلکار ہسوا تھانہ انچارج مرتیونجے کمار کی ہدایت پر شامل تھے۔مل آپریٹر پہنچنے پر فرار ہو گیا۔ چھان بین کے دوران لکڑی کاٹنے کا غیر قانونی سامان، لکڑی اور دیگر سامان برآمد کر لیا گیا۔ محکمہ جنگلات نے پورے احاطے کو سیل کر دیا اور انڈین فاریسٹ ایکٹ اور متعلقہ دفعات کے تحت مقدمہ درج کر کے مزید قانونی کارروائی شروع کر دی۔رینج افسر ورجیندر کمار نے بتایا کہ ان کے پاس فی الحال سردلا اور ہسوا علاقوں کا اضافی چارج ہے۔ انہوں نے کہا کہ جنگلاتی وسائل کی اسمگلنگ، غیر قانونی کٹائی اور بغیر لائسنس کے کام کرنے والی آرا مل کے خلاف مہم جاری رہے گی۔

انہوں نے واضح طور پر خبردار کیا کہ جنگلات کے قوانین کی خلاف ورزی کرنے والوں کے خلاف سخت کارروائی کی جائے گی۔محکمہ جنگلات کی اس کارروائی سے لکڑی کی غیر قانونی تجارت میں ملوث افراد میں خوف و ہراس پھیل گیا ہے۔ محکمہ کا کہنا ہے کہ ضلع میں غیر قانونی کارخانوں اور جنگلاتی جرائم کو مؤثر طریقے سے روکنے کے لیے مستقبل میں بھی باقاعدہ چھاپہ ماری کی جارہی ہے۔

ہندوستھان سماچار

---------------

ہندوستان سماچار / Mohammad Afzal Hassan