نئی دہلی، 31 جولائی (ہ س)۔
وزیراعظم نریندر مودی، لوک سبھا اسپیکر اوم برلا سمیت دیگر نے آج ہندوستانی جنگ آزادی کے امر مجاہد آزادی شہید ادھم سنگھ کے یوم شہادت پرانہیں خراج عقیدت پیش کیا۔
وزیراعظم مودی نے کہا کہ ہمت اور حوصلے سے بھری ان کی داستانِ حیات ملک کی ہر نسل کو وطنِ عزیز کی حفاظت کے لیے ترغیب دیتی رہے گی۔
برلا نے ایکس پر لکھا، ’’انقلابی، شہید سردار ادھم سنگھ کے یومِ شہادت پر انہیں کروڑوں نمن! مجاہدینِ آزادی کے خوابوں کے مطابق ایک مضبوط، ہم آہنگ، منصفانہ اور خود کفیل ہندوستان کی تعمیر ہمارا عزم ہے۔ ان کی قربانی اور حب الوطنی ہمیشہ ترغیب دیتی رہے گی۔‘‘
وزیرِ دفاع راج ناتھ سنگھ نے کہا کہ بے مثال شجاعت اور ہندوستان کو آزاد کرانے کی کوشش سے دی گئی ان کی قربانی ہندوستانی تاریخ کا ایک سنہرا باب ہے۔ ان کی قربانی کو یہ ملک نہ صرف یاد رکھے گا بلکہ ان سے ہمیشہ ترغیب بھی حاصل کرتا رہے گا۔
مرکزی وزیرِ داخلہ و تعاون امت شاہ نے کہا کہ آزادی کے لیے ہنستے ہنستے پھانسی کا پھندا چومنے والے شہید ادھم سنگھ کی زندگی صبر، عزم اور حب الوطنی کی بے مثال مثال ہے۔
مرکزی وزیر برائے سڑک، ٹرانسپورٹ و شاہراہ نٹن گڈکری نے کہا کہ عظیم انقلابی سردار ادھم سنگھ کی برسی پر انہیں عاجزانہ خراجِ عقیدت!
مرکزی وزیرِ صحت جے پی نڈا نے کہا کہ ان کی بے مثال شجاعت، اٹوٹ حب الوطنی اور عظیم ترین قربانی ہندوستان کی جنگ آزادی کا سنہرا باب بن کر ہر ہندوستانی کے دل میں حب الوطنی کی شمع ہمیشہ روشن رکھے گی۔
ہندوستھان سماچار
ہندوستان سماچار / انظر حسن
31 Jul 2026
