سرینگر، 31 جولائی(ہ س)۔ منشیات کی اسمگلنگ کے خلاف جاری کریک ڈاؤن میں، اننت ناگ پولیس نے جمعہ کو جنوبی کشمیر کے ضلع اننت ناگ کے بجبہاڑہ علاقے میں پازل پورہ میں معمول کے ناکے کی چیکنگ کے دوران ایک غیر مقامی منشیات فروش کو گرفتار کیا۔ پولیس کے ایک بیان کے مطابق ملزم کی شناخت محمد عرفان خان ولد محمد جہانگیر خان ساکن بوانہ، نئی دہلی کے طور پر کی گئی ہے جو اس وقت اونتی پورہ میں مقیم ہے۔ پولیس نے بتایا کہ چیکنگ کے دوران اہلکاروں نے ملزم کے قبضے سے تقریباً 5.20 گرام براؤن شوگر برآمد کی۔ اسے فوری طور پر تحویل میں لے لیا گیا اور قانونی طریقہ کار کے مطابق ممنوعہ مادہ ضبط کرلیا گیا۔ اس سلسلے میں ایف آئی آر نمبر 231/2026 پولس اسٹیشن بجبہاڑہ میں نارکوٹک ڈرگس اینڈ سائیکوٹراپک سبسٹنس (این ڈی پی ایس) ایکٹ کی دفعہ 8/21 کے تحت درج کی گئی ہے۔ برآمد شدہ منشیات کے ماخذ کا پتہ لگانے اور منشیات کی اسمگلنگ کے نیٹ ورک میں ملوث مزید روابط یا ساتھیوں کی نشاندہی کرنے کے لیے تحقیقات شروع کر دی گئی ہیں۔
اننت ناگ پولیس نے منشیات کے استعمال اور منشیات کی اسمگلنگ کے خلاف لڑائی کو تیز کرنے کے اپنے عزم کا اعادہ کیا، یہ کہتے ہوئے کہ منشیات کے غیر قانونی کاروبار میں ملوث افراد کے خلاف سخت کارروائی جاری رہے گی تاکہ معاشرے بالخصوص نوجوانوں کو منشیات کی لعنت سے محفوظ رکھا جا سکے۔ پولیس نے عوام سے بھی اپیل کی کہ وہ منشیات کی اسمگلنگ سے متعلق کسی بھی معلومات کا اشتراک کرکے قانون نافذ کرنے والے اداروں کے ساتھ تعاون کریں، یہ یقین دلاتے ہوئے کہ مخبروں کی شناخت کو سختی سے صیغہ راز میں رکھا جائے گا۔ ہندوستھان سماچار
ہندوستان سماچار / Aftab Ahmad Mir
