ہندوستانی جدوجہدِ آزادی کی تاریخ میں 31 جولائی کے دن کو خاص اہمیت حاصل ہے۔ اسی دن 1933 میں بابائے قوم مہاتما گاندھی نے گجرات کے احمد آباد میں واقع سابرمتی آشرم کو چھوڑا تھا۔ یہ وہی آشرم ہے، جہاں سے انہوں نے آزادی کی تحریک کو نئی سمت دی اور سچائی، عدم تشدد نیز خود انحصاری کے اپنے افکار کو عوام الناس تک پہنچایا۔

جنوبی افریقہ سے ہندوستان لوٹنے کے بعد مہاتما گاندھی نے 1917 میں سابرمتی ندی کے کنارے اس آشرم کا قیام عمل میں لایا۔ یہاں انہوں نے زراعت، مویشی پروری، چرخہ، کھادی اور اجتماعی زندگی جیسے متعدد تجربات کیے۔ یہ آشرم صرف رہائش گاہ نہیں، بلکہ تحریکِ آزادی کی حکمتِ عملی اور سماجی اصلاحات کا اہم مرکز بن گیا۔

سابرمتی آشرم سے ہی گاندھی جی نے کئی تاریخی تحریکوں کی قیادت کی۔ 1930 کا مشہور ڈانڈی مارچ (نمک ستیاگرہ) بھی یہیں سے شروع ہوا، جس نے برطانوی حکومت کے خلاف ملک گیر بیداری کی شکل اختیار کر لی۔ ستیاگرہ، سودیشی اور خود انحصاری کے افکار کو اسی آشرم سے وسیع پہچان ملی۔

31 جولائی 1933 کو گاندھی جی نے سابرمتی آشرم چھوڑ دیا۔ انہوں نے عہد کیا تھا کہ ہندوستان کو مکمل آزادی ملنے سے پہلے وہ آشرم واپس نہیں لوٹیں گے۔ اگرچہ وہ پھر کبھی وہاں مستقل طور پر نہیں رہے، لیکن یہ آشرم آج بھی ان کے افکار، جدوجہد اور قربانی کی انمول وراثت کو سنبھالے ہوئے ہے۔

دیگر اہم واقعات:

1658 - اورنگزیب نے خود کو مغل شہنشاہ قرار دیا۔

1865 - آسٹریلیا میں جنوب مشرقی کلیولینڈ گریڈچسٹر شہر میں دنیا کی پہلی چھوٹی ریل لائن شروع ہوئی۔

1924 - مدراس پریسیڈنسی کلب نے ریڈیو نشریات چلانے کا بیڑا اٹھایا۔

1947 - مشہور فلمی اداکارہ ممتاز کی پیدائش۔

1948 - ہندوستان میں کولکاتا میں پہلی ریاستی ٹرانسپورٹ سروس کا قیام۔

1980 - ہندوستانی پلے بیک گلوکارمحمد رفیع کا انتقال۔

1982 - سوویت یونین نے ایٹمی تجربہ کیا۔

1992 - نیپال کے دارالحکومت کاٹھمنڈو میں تھائی لینڈ کا طیارہ حادثے کا شکار، 113 افراد کی موت۔

1993 - ہندوستان کے پہلے تیرتے ہوئے سمندری عجائب گھر کا کلکتہ (اب کولکاتا) میں افتتاح۔

1992 - جارجیا ملک اقوامِ متحدہ میں شامل ہوا۔

1998 - سارک کی دسویں سربراہی کانفرنس سری لنکا کے دارالحکومت کولمبو میں اختتام پذیر ہوئی۔

2003 - اسرائیل اور فلسطین کے وزرائے دفاع کی میٹنگ یروشلم میں ختم ہوئی۔

2004 - اقتصادی تعاون کے فورم ’بمسٹیک‘ کا نام بدل کر ’بنگتکشیس‘ کیا گیا۔

2005 - ازبکستان نے امریکہ کو اپنے فوجی اڈے ہٹانے کا حکم دیا۔

2006 - سری لنکا میں جنگ بندی معاہدہ ختم، ایل ٹی ٹی ای کے ساتھ تصادم میں 50 افراد مارے گئے۔

2006 - فیدل کاسترو نے اپنے بھائی کو اقتدار سونپا۔

2007 - ہندوستانی نژاد امریکی ڈاکٹر سدھیر پاریکھ کو پال ہیرس ایوارڈ دیا گیا۔

2008 - تھائی لینڈ کی ایک عدالت نے ملک کے سابق وزیراعظم تھاکسن شیناواترا کی اہلیہ کو ٹیکس چوری کے معاملے میں مجرم پائے جانے پر تین سال کی سزا سنائی۔

2010 - پاکستان میں سیلاب سے 900 افراد کی موت۔

2012 - پروفیسر اشوک سین کو پہلے یوری ملنر فنڈامنٹل فزکس پرائز (بنیادی طبیعیات انعام) کے نو فاتحین میں سے ایک فاتح قرار دیا گیا۔

2012 - مائیکل فیلپس نے 1964 میں لاریسا لاٹینینا کی طرف سے اولمپکس میں جیتے گئے سب سے زیادہ تمغوں کا ریکارڈ توڑ دیا۔

ہندوستھان سماچار

---------------

ہندوستان سماچار / انظر حسن