وینکوور، 3 جولائی (ہ س) الجیریاکے کپتان ریاض مہریز نے فیفا ورلڈ کپ 2026 سے ٹیم کے باہر ہونے کے بعد بین الاقوامی فٹ بال سے ریٹائرمنٹ کا اعلان کر دیا ہے۔

سوئٹزرلینڈ نے راونڈ آف 32 میں بریل ایمبولو اور ڈین اینڈوئے کے گول کی بدولت الجیریا کو0-2 سے شکست دے کر ٹورنامنٹ سے باہر کر دیا۔اس شکست کے فوراً بعدمہریز نے اپنا بین الاقوامی کیریئر ختم کرنے کا فیصلہ کیا۔

سعودی پرو لیگ کلب الاہلی کے لیے کھیلنے والے 35 سالہ مہریز نے الجیریا کے لیے 113 بین الاقوامی میچوں میں 39 گول کیے ہیں۔ کلیسی، فرانس میں پیدا ہوئے، مہریز نے اپنی خاندانی جڑوں کی بنیاد پر 2013 میں الجیریا کی نمائندگی کرنے کا فیصلہ کیا۔

انہیں 2016 میں افریقی فٹبالر آف دی ایئر قرار دیا گیا۔ اس کے بعد انہوں نے کپتان کی حیثیت سے الجیریا کو 2019 میں افریقہ کپ آف نیشنز خطاب دلایا۔

2026 ورلڈ کپ میں، مہریز نے آسٹریا کے خلاف گروپ مرحلے کے میچ میں دو گول کیے اور ایک یادگار بین الاقوامی کیرئیر جو ایک دہائی سے زیادہ پر محیط ہے کا اختتام کیا۔ الجیریاکے فٹ بال کے سب سے زیادہ منجھے ہوئے کھلاڑیوں میں سے ایک، مہریز نے اپنے کیریئر کے دوران ٹیم کو متعدد یادگار فتوحات دلائیں اور ملک کے عظیم فٹبالرز میں اپنا مقام مضبوط کیا۔

---------------

ہندوستان سماچار / عبدالسلام صدیقی