ماسکو، 3 جولائی (ہ س/ریا نووستی)۔ انٹرنیشنل اٹامک انرجی ایجنسی (آئی اے ای اے) کے ڈائریکٹر جنرل رافیل گروسی نے امید ظاہر کی کہ ایجنسی آنے والے ہفتوں میں ایران کی جوہری تنصیبات تک رسائی حاصل کر لے گی۔گروسی نے ریا نووستی کو بتایاکہ ’مجھے امید ہے کہ یہ چند ہفتوں میں ہو جائے گا، زیادہ نہیں، کیونکہ ہمیں یہ نہیں بھولنا چاہیے کہ انہوں نے جس مفاہمت کی یادداشت پر دستخط کیے ہیں وہ ایک جامع معاہدے تک پہنچنے کے لیے 60 دن کا وقت دیتا ہے۔ یقینا، اس میں جوہری معاملات کے علاوہ اور بھی بہت کچھ ہے۔انہوں نے یاد دلایا کہ اس دستاویز میں آبنائے ہرمز کے ذریعے جہاز رانی کی آزادی اور جنگ بندی سے متعلق علاقائی سالمیت کے مسائل پر بھی توجہ دی گئی ہے۔’میرا مطلب ہے کہ بہت سی چیزیں ہیں اور وہ سب بہت مشکل ہیں، لیکن انہوں نے یہ دو مہینے خود کو دے دیے ہیں۔ لیکن وقت ختم ہو رہا ہے، اس لیے بہت کم وقت بچا ہے۔ اس لیے میں امید کرتا ہوں کہ اگر اس ٹائم فریم کے اندر کوئی حتمی معاہدہ ہو جاتا ہے، تو حقیقی کام شروع کرنے کا امکان ہو گا، جس میں یقینا ان جگہوں تک رسائی بھی شامل ہو گی۔

ہندوستھان سماچار

ہندوستان سماچار / Mohammad Khan