نئی دہلی، 26 جولائی(ہ س)۔ گزشتہ کاروباری ہفتے کے دوران گھریلو شیئر بازار میں فروخت کے دباؤ کے باعث ملک کی ٹاپ 10 سب سے زیادہ مارکیٹ ویلیو رکھنے والی کمپنیوں میں سے 9 کمپنیوں کے مارکیٹ کیپٹلائزیشن (مارکیٹ کیپ) میں مجموعی طور پر 2,74,078.37 کروڑ روپے کی بھاری کمی درج کی گئی۔ اس دوران صرف ہندوستان یونی لیور ہی واحد کمپنی رہی، جس کے مارکیٹ کیپ میں معمولی اضافہ ہوا۔سب سے زیادہ نقصان ایچ ڈی ایف سی بینک کو اٹھانا پڑا، جس کے مارکیٹ کیپ میں 1,18,383.91 کروڑ روپے کی کمی آئی اور یہ گھٹ کر 11,43,985.90 کروڑ روپے رہ گیا۔

اسی طرح ریلائنس انڈسٹریز کے مارکیٹ کیپ میں 65,429.82 کروڑ روپے کی کمی ریکارڈ کی گئی، جس کے بعد کمپنی کا مارکیٹ کیپ 17,29,661.44 کروڑ روپے پر آ گیا۔ اس کے باوجود ریلائنس ملک کی سب سے زیادہ مارکیٹ ویلیو رکھنے والی کمپنی برقرار رہی۔

دیگر کمپنیوں میں اسٹیٹ بینک آف انڈیا (ایس بی آئی) کے مارکیٹ کیپ میں 26,814.94 کروڑ روپے، بجاج فائنانس میں 26,802.74 کروڑ روپے، لائف انشورنس کارپوریشن (ایل آئی سی) میں 15,116.74 کروڑ روپے، آئی سی آئی سی آئی بینک میں 6,223.84 کروڑ روپے، بھارتی ایئرٹیل میں 6,021.64 کروڑ روپے، ٹاٹا کنسلٹنسی سروسز (ٹی سی ایس) میں 5,191.95 کروڑ روپے اور لارسن اینڈ ٹوبرو (ایل اینڈ ٹی) کے مارکیٹ کیپ میں 4,092.79 کروڑ روپے کی کمی ریکارڈ کی گئی۔

دوسری جانب، گزشتہ ہفتے کے دوران ہندوستان یونی لیور کے مارکیٹ کیپ میں 152.73 کروڑ روپے کا اضافہ ہوا، جس کے بعد اس کا مارکیٹ کیپ بڑھ کر 5,03,928.59 کروڑ روپے تک پہنچ گیا۔ یہ گزشتہ ہفتے مارکیٹ کیپ میں اضافہ درج کرنے والی ٹاپ 10 کمپنیوں میں واحد کمپنی رہی۔کاروباری ہفتے کے اختتام پر مارکیٹ کیپ کے اعتبار سے ریلائنس انڈسٹریز پہلے، بھارتی ایئرٹیل دوسرے، ایچ ڈی ایف سی بینک تیسرے، آئی سی آئی سی آئی بینک چوتھے، اسٹیٹ بینک آف انڈیا پانچویں، ٹاٹا کنسلٹنسی سروسز چھٹے، بجاج فائنانس ساتویں، ایل آئی سی آٹھویں، لارسن اینڈ ٹوبرو نویں اور ہندوستان یونی لیور دسویں مقام پر رہی۔

ہندوستھان سماچار

ہندوستان سماچار / Mohammad Khan