کاٹھمنڈو، 19 جولائی (ہ س)۔ نیپال کے سیلاب کی پیش گوئی کرنے والے ڈویژن نے اتوار کو ملک کے مختلف حصوں میں ممکنہ سیلاب کے بارے میں خبردار کیا ہے اور خطرے سے دوچار علاقوں کے رہائشیوں سے الرٹ رہنے کی اپیل کی ہے۔

ڈویژن کے مطابق کاٹھمنڈو، بھکتا پور اور للت پور سمیت 35 اضلاع میں سیلاب کا خطرہ ہے۔ ان علاقوں کے دریاو¿ں میں پانی کی سطح میں نمایاں اضافہ متوقع ہے۔ آج جاری کردہ ایک نوٹیفکیشن میں کہا گیا ہے کہ جھاپا، مورنگ، سنساری، ایلام، پانچتھر، تیتھم، دولکھا، سندھوپالچوک، کاوریپالاچوک، کاٹھمندو، بھکت پور، للت پور، دھادڑ، مکوان پور، اور چتون جیسے اضلاع میں چھوٹے ندیوں میں پانی کے بہاو¿ میں کافی اضافہ ہوسکتا ہے۔ اسی طرح کاسکی، تناہون، سیانگجا، پربت، باگلونگ، گلمی، پالپا، ارگھانچی، پیوتھن، نوالپراسی (مشرق)، نوالپاراسی (مغربی)، روپانڈیہی، کپل وستو، ڈانگ، بنکے، بردیا،ڈوٹی، ڈڈیل دھورا، کنڈیل پور ضلع کے دریاو¿ں میں پانی کی سطح میں اضافے کی پیش گوئی کی گئی ہے۔ محکمہ نے ان اضلاع میں اچانک سیلاب کے درمیانے درجے کے خطرے سے خبردار کیا ہے اور دریا کے کنارے اور دیگر خطرناک علاقوں میں رہنے والے باشندوں سے ضروری احتیاط برتنے اور چوکنا رہنے کی اپیل کی ہے۔

ہندوستھان سماچار

---------------

ہندوستان سماچار / عبدالسلام صدیقی