نئی دہلی، 19 جولائی (ہ س)۔ گھریلو صرافہ بازار میں آج تیزی کا رجحان دیکھنے میں آیا۔ چنئی کے علاوہ ملک کے بیشتر صرافہ بازاروں میں آج سونا 660 روپے سے 770 روپے فی 10 گرام تک مہنگا ہو گیا، جبکہ چنئی میں سونے کی قیمت میں 360 روپے سے 390 روپے فی 10 گرام تک اضافہ درج کیا گیا۔ سونے کے ساتھ ساتھ چاندی کی قیمت میں بھی آج 100 روپے فی کلوگرام کا معمولی اضافہ ریکارڈ کیا گیا۔

قیمتوں میں اضافے کے باعث ملک کے بیشتر صرافہ بازاروں میں 24 کیرٹ سونا آج 1,43,290 روپے سے 1,43,440 روپے فی 10 گرام کے درمیان فروخت ہو رہا ہے۔ اسی طرح 22 کیرٹ سونا 1,31,300 روپے سے 1,31,450 روپے فی 10 گرام کے درمیان دستیاب ہے۔ چاندی کی قیمت میں معمولی اضافے کے بعد دہلی صرافہ بازار میں یہ دھات آج 2,30,000 روپے فی کلوگرام کے حساب سے فروخت ہو رہی ہے۔

اگر ہفتہ وار بنیاد پر جائزہ لیا جائے تو مسلسل اتار چڑھاؤ کے باعث سونے اور چاندی دونوں کی قیمتوں میں مجموعی کمی ریکارڈ کی گئی ہے۔ گزشتہ ہفتے کے دوران 24 کیرٹ سونا 1,040 روپے فی 10 گرام تک سستا ہوا، جبکہ 22 کیرٹ سونے کی قیمت میں بھی 950 روپے فی 10 گرام تک کی کمی آئی۔ اسی طرح چاندی بھی اتار چڑھاؤ کے باوجود گزشتہ ہفتے 5 ہزار روپے فی کلوگرام تک سستی ہو گئی۔

دہلی میں آج 24 کیرٹ سونا 1,43,440 روپے فی 10 گرام جبکہ 22 کیرٹ سونا 1,31,450 روپے فی 10 گرام میں فروخت ہو رہا ہے۔ ملک کے معاشی دارالحکومت ممبئی میں 24 کیرٹ سونا 1,43,290 روپے فی 10 گرام اور 22 کیرٹ سونا 1,31,300 روپے فی 10 گرام کے حساب سے فروخت کیا جا رہا ہے۔ اسی طرح احمد آباد میں 24 کیرٹ سونے کی خوردہ قیمت 1,43,340 روپے فی 10 گرام اور 22 کیرٹ سونے کی قیمت 1,31,350 روپے فی 10 گرام درج کی گئی ہے۔

ان بڑے شہروں کے علاوہ چنئی میں 24 کیرٹ سونا آج 1,43,290 روپے فی 10 گرام اور 22 کیرٹ سونا 1,31,300 روپے فی 10 گرام میں فروخت ہو رہا ہے۔ اسی طرح کولکاتا میں 24 کیرٹ سونا 1,43,290 روپے فی 10 گرام اور 22 کیرٹ سونا 1,31,300 روپے فی 10 گرام کے حساب سے دستیاب ہے۔ بھوپال میں 24 کیرٹ سونے کی قیمت 1,43,340 روپے فی 10 گرام جبکہ 22 کیرٹ سونا 1,31,350 روپے فی 10 گرام میں فروخت ہو رہا ہے۔

جے پور میں 24 کیرٹ سونا 1,43,440 روپے فی 10 گرام اور 22 کیرٹ سونا 1,31,450 روپے فی 10 گرام کے حساب سے فروخت ہو رہا ہے۔ پٹنہ میں 24 کیرٹ سونے کی قیمت 1,43,340 روپے فی 10 گرام جبکہ 22 کیرٹ سونا 1,31,350 روپے فی 10 گرام ہے۔ لکھنؤ کے صرافہ بازار میں آج 24 کیرٹ سونا 1,43,440 روپے فی 10 گرام اور 22 کیرٹ سونا 1,31,450 روپے فی 10 گرام کے حساب سے فروخت ہو رہا ہے۔

ملک کی دیگر ریاستوں کی طرح کرناٹک، تلنگانہ اور اوڈیشہ کے صرافہ بازاروں میں بھی آج سونے کی قیمتوں میں مضبوطی کا رجحان برقرار رہا۔ ان تینوں ریاستوں کے دارالحکومت بنگلورو، حیدرآباد اور بھونیشور میں 24 کیرٹ سونا 1,43,290 روپے فی 10 گرام کے حساب سے فروخت ہو رہا ہے، جبکہ 22 کیرٹ سونا ان تینوں شہروں میں 1,31,300 روپے فی 10 گرام کے حساب سے دستیاب ہے۔

ہندوستھان سماچار

--------

ہندوستان سماچار / عبدالواحد