نئی دہلی، 15 جولائی (ہ س)۔ 2026 کے ہاکی ورلڈ کپ کے آغاز میں صرف ایک ماہ باقی رہ گیا ہے، ہندوستانی مرد اور خواتین کی ہاکی ٹیمیں اپنی تیاریوں کے آخری مراحل میں داخل ہو گئی ہیں۔ دونوں ٹیمیں بنگلورو میں اسپورٹس اتھارٹی آف انڈیا (ایس اے آئی) سینٹر میں ورلڈ کپ میں مضبوط کارکردگی کا مظاہرہ کرنے کے لئے قومی تربیتی کیمپ میں سخت محنت کر رہی ہیں۔

15 سے 30 اگست تک بیلجیئم اور نیدرلینڈز میں منعقد ہونے والے اس باوقار ٹورنامنٹ میں پہلی بار مردوں اور خواتین کے ورلڈ کپ ایک ہی جگہوں پر ایک ساتھ منعقد ہوں گے۔

ہندوستانی مردوں کی ٹیم ایف آئی ایچ پرو لیگ کے حالیہ روٹرڈیم اور لندن مرحلہ میں اپنی شاندار کارکردگی کے بعد اعتماد سے بھری ہوئی ہے۔ ٹیم نے مضبوط ٹیموں جیسے کہ عالمی چیمپئن جرمنی، اولمپک گولڈ میڈلسٹ نیدرلینڈز اور پاکستان کو شکست دی، جبکہ انگلینڈ کے خلاف بھی مضبوط کارکردگی کا مظاہرہ کیا۔

ہندوستانی مردوں کی ایف آئی ایچ ہاکی ٹیم کے ہیڈ کوچ کریگ فلٹن نے بدھ کو کہا۔ یورپی دورے کے بعد، کھلاڑیوں نے کچھ آرام کیا تھا اور اب وہ پوری توانائی کے ساتھ کیمپ میں واپس آئے ہیں۔ ابتدائی دنوں میں، ہمارا مقصد کھلاڑیوں کو فٹنس پر واپس لانا اور ٹیم کی تال کو قائم کرنا تھا۔ اب، پریکٹس کی شدت کو بتدریج بڑھایا جا رہا ہے تاکہ ٹیم ورلڈ کپ کے لیے پوری طرح تیار ہو،

ان کا مزید کہنا تھا کہ ہفتے کے آغاز میں ہم کھلاڑیوں کی فٹنس پر زیادہ کام کر رہے ہیں۔ اس کے بعد حکمت عملی، ٹیم کے چھوٹے میچز، ویڈیو تجزیہ اور پریسنگ اور جوابی حملے جیسے پہلووں پر خصوصی توجہ دی جا رہی ہے۔ ہمارا مقصد اپنی طاقت کو مزید بہتر بنانا ہے۔

ہندوستان کو پول ڈی میں انگلینڈ، پاکستان اور ویلز کے ساتھ رکھا گیا ہے۔ ہندوستانی ٹیم اپنی مہم کا آغاز 15 اگست کو ویلز کے خلاف کرے گی، اس کے بعد 17 اگست کو انگلینڈ اور 19 اگست کو روایتی حریف پاکستان کے خلاف میچ کھیلے گی۔

ہندوستانی خواتین ٹیم بھی شاندار فارم میں ہے۔ ہندوستانی خواتین کی ٹیم ایف آئی ایچ نیشنز کپ جیت کر ورلڈ کپ میں داخل ہو رہی ہے۔ ٹیم پورے ٹورنامنٹ میں ناقابل شکست رہی اور ٹرافی جیتی جس سے کھلاڑیوں کے حوصلے بلند ہوئے ہیں۔

خواتین کی ٹیم کو بھی پول ڈی میں رکھا گیا ہے جہاں وہ 16 اگست کو چین جیسی مضبوط ٹیم کے خلاف اپنی مہم کا آغاز کرے گی۔ اس کے بعد 18 اگست کو جنوبی افریقہ اور 20 اگست کو انگلینڈ کے ساتھ مقابلہ ہوگا۔

ہندوستانی خواتین ٹیم کے ہیڈ کوچ سجورڈ ماریجن مارن نے کہا، پوری ٹیم آنے والے ورلڈ کپ اور ایشیائی کھیلوں کے لیے بہت پرجوش اور پر امید ہے۔ کھلاڑی ہر دن سخت محنت کر رہے ہیں اور مسلسل بہتری کی کوشش کر رہے ہیں۔

انہوں نے مزید کہا، ہماری پوری توجہ اپنے کھیل کو بہتر بنانے پر ہے، فٹنس کو بہتر بنانا ہماری ترجیح ہے، لیکن اس کے ساتھ ساتھ، ہم ان تکنیکی پہلووں کو بھی مضبوط کر رہے ہیں جن پر ہم گزشتہ چند ماہ سے کام کر رہے ہیں۔ ہر روز زیادہ سے زیادہ شدت سے پریکٹس کرنا ممکن نہیں ہے، اس لیے ہماری ٹریننگ کو مختلف سطحوں میں تقسیم کیا گیا ہے۔ ہمارے اسٹرینتھ اینڈ کنڈیشننگ کوچز مسلسل ہر کھیل کی نگرانی کر رہے ہیں جس سے پوری ٹیم میں ورلڈ کپ کے لیے اعتماد پیدا ہورہاہے۔

ہندوستھان سماچار

---------------

ہندوستان سماچار / عبدالسلام صدیقی