لکھنو، 13 جولائی (ہ س) مشترکہ پارلیمانی کمیٹی (جے پی سی) دو روزہ دورے پر لکھنو پہنچ گئی ہے۔ جے پی سی پیر اور منگل کو مختلف شعبوں کے رہنماوں اور ماہرین کے ساتھ اس مسئلے پر بات چیت کرے گی۔

سابق مرکزی وزیر اور لوک سبھا ممبر پارلیمنٹ انوراگ ٹھاکر نے پیر کو یہاں میڈیا کو بتایا کہ مشترکہ پارلیمانی کمیٹی ون نیشن ون الیکشن کے مسئلہ پر اتر پردیش کا دورہ کر رہی ہے۔ آج، کمیٹی چیف سکریٹری، ڈائرکٹر جنرل آف پولیس، اتر پردیش کے چیف الیکٹورل آفیسر اور دیگر تمام سینئر افسران کے ساتھ میٹنگ کرے گی۔اس کے علاوہ، بینک حکام، دیگر عہدیداروں، مختلف تنظیموں، بار کونسل کے عہدیداروں اور سینئر وکلاءسے ملاقاتیں کی جائیں گی۔ تمام اجلاس شام 7 بجے تک ہوں گے۔

انوراگ ٹھاکر نے کہا کہ اس کے بعد منگل کی صبح سیاسی شعبہ سے وابستہ لوگوں کے ساتھ پارلیمانی کمیٹی کی میٹنگ ہوگی۔ منتخب عوامی نمائندوں اور سیاسی جماعتوں کے نمائندوں سے ملاقاتیں ہوں گی۔ ون نیشن ون الیکشن پر ان کے خیالات جاننے کی کوشش کی جائے گی۔ انہوں نے کہا کہ اگر اسمبلی اور لوک سبھا دونوں انتخابات ایک ہی وقت میں ہوں تو اس سے بہت سی چیزوں پر اثر پڑتا ہے۔ انتخابی ضابطہ اخلاق سال بھر نافذ رہتا ہے۔ کبھی اسمبلی انتخابات، کبھی لوک سبھا کے انتخابات، کبھی ایک ریاست کے انتخابات اور کبھی دوسری ریاست کے انتخابات ہوتے رہتے ہیں۔ اس سب سے آزادی حاصل کی جا سکتی ہے۔ دیکھنے کی بات یہ ہے کہ مختلف جماعتوں کے خیالات کیا ہیں۔

---------------

ہندوستان سماچار / عبدالسلام صدیقی