بلوترا، 13 جولائی (ہ س)۔باڑمیر۔ جودھپور قومی شاہراہ پر پچدرا تھانہ علاقہ میں اتواررات ایک سڑک حادثے میں پانچ نوجوان ہلاک اور تین شدید زخمی ہو گئے۔ تیز رفتار اسکارپیو آگے چل رہے ڈمپر سے ٹکرا گئی۔ ٹکراتنی شدید تھی کہ اسکارپیو کے پرخچے اڑ گئے، اور اس میںسوار لوگ گاڑی کے اندر پھنس گئے۔پولیس کے مطابق یہ حادثہ بھاڈیاواس گاوں کے قریب پیش آیا۔ اطلاع ملنے پر پولیس موقع پر پہنچی اور مقامی لوگوں کی مدد سے زخمیوں کو سرکاری ناہٹااسپتال، بلوتراپہنچایا۔ وہاں کے ڈاکٹروں نے ریوانتارام (26)، سوروپ رام (27) اور بھرت (25) کو مردہ قرار دے دیا۔ شدید زخمی کشن، بھاویش، بابو، مکیش اور ہیمرام کو ابتدائی طبی امداد کے بعد جودھ پور بھیج دیا گیا، جہاں کشن (27) اور بھاویش نے دوران علاج دم توڑ گئے۔ہیڈ کانسٹیبل ڈونگارام کھوتھ کے مطابق، تمام نوجوان جودھ پور میں بھومیاجی کے درشن کرکے اپنے گاوں لوٹ رہے تھے جب یہ حادثہ پیش آیا۔ حادثے میں تین نوجوانوں کی موقع پر ہی موت ہو گئی جبکہ پانچ نوجوان زخمی ہو گئے اور انہیں جودھ پور ریفر کر دیا گیا۔ حادثے کی خبر ملتے ہی سرکاری ناہٹا ہسپتال میں رشتہ داروں اور گاؤں والوں کا ہجوم جمع ہو گیا۔ حادثے میں زخمی ہونے والے بابو، مکیش اور ہیمارام جودھ پور میں زیر علاج ہیں۔ہندوستھان سماچار

ہندوستان سماچار / Mohammad Khan