فریدآباد، 12 جولائی (ہ س)۔ سائبر کرائمز پر کریک ڈاو¿ن کرتے ہوئے فرید آباد کے سائبر پولس اسٹیشن نے ایک ہفتے میں 43 سائبر مجرموں کو گرفتار کرکے 15 لاکھ 30 ہزار روپے برآمد کیے ہیں۔ پولیس ترجمان نے اتوار کو بتایا کہ سائبر تھانوں کی ٹیموں نے 10 مقدمات میں 43 سائبر مجرموں کو گرفتار کیا ہے۔ اس میں سائبر پولس اسٹیشن این آئی ٹی کا ایک معاملہ، سنٹرل سے چھ اور بلبھ گڑھ سے تین معاملے شامل ہیں۔ اس دوران ٹیموں نے 15 لاکھ 30 ہزار روپے کی وصولی کی ہے۔ اسی طرح 320 شکایات کا ازالہ کیا گیا اور کھاتوں میں 3 لاکھ 56 ہزار 458 روپے منجمد کیے گئے۔ یہ کارروائی 4 سے 10 جولائی کے درمیان ایک ہفتے کے دوران کی گئی ہے۔انھوں نے بتایا کہ گرفتار ملزمان میں اننگ پال، جالم، بال کشن، رویندر کمار، پون کمار، گگن اروڑہ، وشال شرما، پروین پرمار، مکیش شرما، ساحل علی، ثقلین غازی، پرکاش، سکھدیو، راکیش کمار، سندیپ کمار، ہرش گوتیا، دیپک، منیک، سمیک، دیپ کمار شامل ہیں۔ اگروال، یوگیش راوت، رویندر سنگھ، ساجد علی، گوتم ٹھکرال، سوریہ پرتاپ سنگھ،منوج، دیپک ،اشمت ،مت اگروال،یوگیش راوت ،رویندر سنگھ ،ساجد علی،گوتم ٹھکرال ،سوریہ پرتاپ ،جیون کمار، راہول، شبھم تومر، روی کمار، مہیش سین، گوپال جی، گوٹی ہتیش بھائی، انیتا کشواہ، شوبھیت گوڑ، وریندر سنگھ، نسیم، سنیل، اتل، دلخوش مینا،راجیش بینسلاشامل ہیں۔ پولیس ترجمان نے کہا کہ عام لوگ زیادہ پیسوں کے لالچ میں آکر جعلسازوں کے جال میں پھنس جاتے ہیں اور بغیر محنت کے اپنا سرمایہ لگاتے ہوئے دھوکہ دہی کا شکار ہو جاتے ہیں۔ کم علم یا لاعلمی بھی سائبر فراڈ کا شکار بناتی ہے۔ فرید آباد پولیس عوام سے اپیل کرتی ہے کہ وہ کسی بھی نامعلوم لنکس پر کلک نہ کریں، مکمل تحقیق کے بعد صرف سرکاری ویب سائٹس پر سرمایہ کاری کریں اور کسی کے ساتھ ذاتی معلومات یا او ٹی پی کا اشتراک کرنے سے گریز کریں۔ بینک کبھی بھی آپ سےخفیہ معلومات نہیں لیتا ہے۔ ڈیجیٹل گرفتاری کے لیے قانون کوئی ضابطہ فراہم نہیں کرتا۔

---------------

ہندوستان سماچار / عبدالسلام صدیقی