سیوان، 28 جون (ہ س)۔ضلع کے میروا تھانہ علاقے کے مجھولی چوک پراتوار کے روز موٹر سائیکل پرمشتبہ گوشت کی غیر قانونی نقل و حمل کرتے ہوئے پکڑا گیا ۔ واقعہ کے بعد جائے وقوعہ پر لوگوں کی بڑی بھیڑ جمع ہوگئی اور مشتعل ہجوم نے بائک سواروں کی پٹائی کردی۔ اطلاع ملنے پرپولیس نے جائے وقوعہ پر پہنچ کر دونوں افراد کو ہجوم سے چھڑایا اور اپنی تحویل میں لے لیا۔ پولیس نے ان کے پاس سے تقریباً 55 کلو مشتبہ جانوروں کا گوشت برآمد کیا۔گرفتار نوجوانوں کی شناخت گڈو علی اور کوثر علی اتر پردیش کے دیوریا ضلع کے سلیم پور تھانہ علاقے کے تحت نوالپور گاؤں کے رہنے والے ہیں۔ پولیس کے مطابق وہ دو بوریاں گوشت لے کر موٹر سائیکل پر اتر پردیش کے سوہان پور سے سیوان جا رہے تھے۔ لوگوں کے مشتبہ ہونے اور پکڑے جانے کے بعد مجھولی چوک پر ان کی تلاشی لی گئی۔معاملے کی سنگینی کو دیکھتے ہوئے میروا تھانہ انچارج راہل کمار نے فوری طور پر بلاک ویٹرنری افسر ڈاکٹر راجیو کمار کو جائے وقوعہ پر طلب کیا۔ جانوروں کے ڈاکٹر نے برآمد شدہ گوشت کا نمونہ لیا اور اسے ٹیسٹ کے لیے لیبارٹری بھجوا دیا۔ ٹیسٹ رپورٹ سے یہ واضح ہو جائے گا کہ برآمد شدہ گوشت کس جانور کا ہے۔پولیس نے ان کے خلاف جانوروں کے گوشت کی غیر قانونی نقل و حمل اور فروخت سے متعلق دفعات کے تحت مقدمہ درج کر لیا ہے۔ اسمگلنگ میں استعمال ہونے والی موٹر سائیکل بھی قبضے میں لے لی گئی ہے۔ تھانہ انچارج راہل کمار نے بتایا کہ دونوں بدمعاشوں کو گرفتار کرکے عدالتی تحویل میں بھیجنے کی کارروائی شروع کردی گئی ہے۔ برآمد شدہ گوشت کی ٹیسٹ رپورٹ کا انتظار ہے، اور پورے معاملے کی تمام زاویوں سے تفتیش کی جا رہی ہے۔ہندوستھام سماچار

ہندوستان سماچار / Mohammad Afzal Hassan