نئی دہلی، 28 جون (ہ س)۔

بھارت نے کراچی کے واقعے کے حوالے سے پاکستان کے الزامات کو بے بنیاد قرار دیتے ہوئے دو ٹوک الفاظ میں مسترد کر دیا ہے۔ ہندوستان نے کہا کہ دوسروں پر انگلیاں اٹھانے کے بجائے پاکستان کو اپنی سرزمین میں موجود دہشت گردوں کے ڈھانچے کے خلاف قابل اعتبار کارروائی کرنی چاہیے۔

اتوار کو میڈیا کے سوالات کا جواب دیتے ہوئے وزارت خارجہ کے سرکاری ترجمان رندھیر جیسوال نے کہا کہ بھارت نے کراچی کے حالیہ واقعے کے حوالے سے پاکستانی رپورٹس دیکھی ہیں جن میں بھارت پر بے بنیاد الزامات لگائے گئے ہیں۔ انہوں نے کہا کہ بھارت ان الزامات کو واضح طور پر مسترد کرتا ہے۔ پاکستان کو دوسروں پر الزام تراشی کے بجائے خود کا جائزہ لینا چاہیے اور اپنی سرزمین میں موجود دہشت گردی کے ڈھانچے کے خلاف قابل اعتبار کارروائی کرنی چاہیے۔

رندھیر جیسوال نے کہا کہ پاکستان کو دہشت گردی کو ریاستی پالیسی کے آلہ کار کے طور پر استعمال کرنے کے رجحان کو بھی ترک کرنا چاہیے۔

ہندوستھان سماچار

ہندوستان سماچار / عطاءاللہ