برپیٹا، 27 جون (ہ س)۔

آسام کے برپیٹا ضلع میں بھوٹانی شراب کی بھارت-بھوٹان سرحد سے اسمگل ہونے کے خلاف ایک بڑے کریک ڈاو¿ن میں، پولیس نے شراب کے 32 کارٹن ضبط کیے ہیں۔ اس معاملے میں دو ملزمان کو گرفتار کیا گیا ہے۔ پولیس بین الاقوامی سرحد سے منسلک ممکنہ سمگلنگ نیٹ ورک کی بھی تفتیش کر رہی ہے۔

گرفتار ملزموں کی شناخت مونٹی ساہا اور سنجے داس کے طور پر کی گئی ہے۔ پولیس نے شراب کی اسمگلنگ میں استعمال ہونے والے دو ای رکشا بھی ضبط کر لیے ہیں۔

پولیس کے مطابق ایک خفیہ اطلاع پر کارروائی کرتے ہوئے برپیٹا روڈ پولس اسٹیشن آفیسر شیامل جیوتی سائکیا کی قیادت میں خیرباڑی اور مویراجھار علاقوں میں چھاپہ ماری کی گئی۔ کارروائی کے دوران دو ای رکشوں میں منتقل کی جانے والی غیر قانونی بھوٹانی شراب قبضے میں لے لی گئی۔

پولیس نے بتایا کہ ضبط کی گئی شراب کے 32 کارٹن بھوٹان سے غیر قانونی طور پر بھارت میں سمگل کیے گئے تھے۔ بین الاقوامی سرحد سے منسلک اسمگلنگ سرنگ کے ملوث ہونے کی بھی تحقیقات کی جا رہی ہیں۔

ہندوستھان سماچار

ہندوستان سماچار / عطاءاللہ