نئی دہلی/ممبئی، 26 جون (ہ س)۔ اقتصادی محاذ پر اچھی خبر آئی ہے۔ ملک کے زرمبادلہ کے ذخائر 19 جون کو ختم ہونے والے ہفتے میں 96.3 کروڑ ڈالر بڑھ کر 672.58 ارب ڈالرپر پہنچ گئے ہیں ۔ گزشتہ ہفتے ملک کے زرمبادلہ کے مجموعی ذخائر 9.98 ارب ڈالر کم ہو کر 671.62 ارب ڈالر رہ گئے تھے ۔
ریزرو بینک آف انڈیا (آر بی آئی) نے جمعہ کو جاری اعداد و شمار میں بتایا کہ 19 جون کو ختم ہونے والے ہفتے میں ملک کے کل غیر ملکی زرمبادلہ کے ذخائر 9.63کروڑ ڈالر (963ملین ڈالر)بڑھ کر 672.58 ارب ڈالر ہو گئے۔ اعداد و شمار کے مطابق، ملک کے کل غیر ملکی زرمبادلہ کے ذخائر پچھلے ہفتے 9.98 ارب ڈالر کم ہو کر 671.62 ارب ڈالر رہ گئے تھے۔
آر بی آئی کے مطابق، کرنسی کے ذخائر کا اہم حصہ غیر ملکی کرنسی اثاثہ جات (ایف سی اے) اس مدت کے دوران 3.07 ارب ڈالر کم ہو کر 541.217 ارب ڈالر رہ گیا۔ تاہم، اس عرصے کے دوران سونے کے ذخائر کی مالیت 4.11 ارب ڈالر بڑھ کر 107.93 ارب ڈالر تک پہنچ گئی۔ اعداد و شمار کے مطابق، خصوصی ڈرائنگ رائٹس (ایس ڈی آر ) بھی اس عرصے کے دوران 5.2 کروڑ ڈالر کی کمی کے ساتھ 18.647 ارب ڈالر رہ گئے۔
مرکزی بینک کے اعداد و شمار کے مطابق، 19 جون کو ختم ہونے والے ہفتے کے دوران بین الاقوامی مالیاتی فنڈ ( آئی ایم ایف ) کے پاس ہندوستان کے ذخائر 2.2 کروڑ ڈالر کم ہو کر 4.79 ارب ڈالر رہ گئے۔
ہندوستھان سماچار
ہندوستان سماچار / محمد شہزاد
