جموں, 25 جون (ہ س)۔

مرکزی وزیر برائے سڑک ٹرانسپورٹ و شاہراہیں نتن گڈکری نے کہا ہے کہ قومی شاہراہ 44 پر کالی باری کے نزدیک راوی دریا اور سیہار کھڈ پر واقع سیلاب سے متاثرہ پلوں کی بحالی کا کام مکمل کر لیا گیا ہے، جس کے بعد پنجاب اور جموں و کشمیر کے درمیان اہم زمینی رابطہ دوبارہ بحال ہو گیا ہے۔

نتن گڈکری نے سوشل میڈیا پلیٹ فارم ایکس پر جاری اپنے بیان میں کہا کہ گزشتہ سال آنے والے اچانک سیلاب کے باعث دونوں پلوں کو شدید نقصان پہنچا تھا، جس سے اس اہم شاہراہ پر آمد و رفت متاثر ہوئی تھی۔ انہوں نے بتایا کہ پلوں کی اہمیت کو مدنظر رکھتے ہوئے بحالی کا کام ترجیحی بنیادوں پر شروع کیا گیا اور مقررہ مدت کے اندر مکمل کر لیا گیا۔انہوں نے کہا کہ پلوں کے دوبارہ کھلنے سے مسافروں اور مال بردار گاڑیوں کی نقل و حرکت میں آسانی ہوگی، جبکہ سالانہ امرناتھ یاترا پر جانے والے عقیدت مندوں کو بھی بڑی سہولت حاصل ہوگی۔ گڈکری کے مطابق اس اقدام سے خطے میں رابطہ، تجارتی سرگرمیوں اور معاشی ترقی کو مزید فروغ ملے گا۔

ہندوستھان سماچار

---------------

ہندوستان سماچار / محمد اصغر