مغربی بردوان، 25 جون (ہ س)۔

آسنسول کے ابھینو ساو¿ نے جونیئر ورلڈ چمپئن شپ میں ہندوستانی نشانے بازوں نے شاندار کارکردگی کے ساتھ ملک کا نام روشن کیا ۔ ابھینوساو¿ اور سانبھوی کی ہندوستانی جوڑی نے جرمنی کے شہر سہل میں منعقدہ مقابلے میں سونے کا تمغہ جیتا اور ایک نیا عالمی ریکارڈ بھی قائم کیا۔

16 سے 28 جون تک منعقدہ جونیئر ورلڈ چمپئن شپ میں ہندوستانی جوڑی کی کارکردگی نے بین الاقوامی سطح پر ملک کی ساکھ کو مزید مضبوط کیا۔

مکسڈ ٹیم ایونٹ کے کوالیفکیشن راو¿نڈ میں ہندوستانی جوڑی نے 634.6 پوائنٹس کے ساتھ فائنل میں جگہ پکی کی۔ فائنل میں ابھینو اور سانبھوی نے شاندار کارکردگی کا مظاہرہ کرتے ہوئے جرمنی اور ناروے کی ٹیموں کو پیچھے چھوڑ دیا۔ انہوں نے 505.8 پوائنٹس کے ساتھ ایک نیا عالمی ریکارڈ قائم کیا، جس نے 499.9 کا پچھلا عالمی ریکارڈ توڑا۔

مقابلہ کے بعد، ابھینو نے کہا کہ وہ پورے وقت اپنے مقصد پر مرکوز رہے۔ انہوں نے وضاحت کی کہ انفرادی مقابلے کے دوران ان کی شوٹنگ کٹ میں تکنیکی خرابی نے انہیں اور سانبھوی کو تمغے کے مقابلے سے باہر کر دیا تھا۔ انہوں نے کہا کہ انہوں نے اس مایوسی کو پیچھے چھوڑنے اور مکسڈ ٹیم ایونٹ میں طلائی تمغہ جیتنے کا عزم کیا ہے۔

اس تاریخی کامیابی پر ابھینو کو مبارکباد دیتے ہوئے مغربی بنگال رائفل ایسوسی ایشن کے صدر وی کے ڈھل نے کہا کہ اس نے شاندار واپسی کی ہے اور ہندوستان کے لیے طلائی تمغہ جیت کر پوری ریاست کا سر فخر سے بلند کیا ہے۔

اس دوران ابھینو کے اسکول کے پرنسپل روی وکٹر نے بھی اپنی خوشی کا اظہار کرتے ہوئے کہا کہ ابھینو نے اپنی کامیابیوں میں ایک اور سنہری باب کا اضافہ کیا ہے اور پورے اسکول کو ان پر فخر ہے۔

ہندوستھان سماچار

ہندوستان سماچار / عطاءاللہ