کوربا، 17 جون (ہ س)۔

بدھ کے روز ایک خوفناک سڑک حادثے میں، کوربا-بلاس پور مرکزی سڑک پر پالی کے قریب تیندو پتوں کے گودام کے قریب ایک مسافر بس اور ٹرک کی آمنے سامنے ٹکر ہوئی۔ حادثہ اتنا خوفناک تھا کہ بس کا اگلا حصہ مکمل طور پر تباہ ہوگیا، اور ڈرائیور کیبن میں بری طرح پھنس گیا۔ حادثے کے بعد افراتفری اور چیخ و پکار مچ گئی۔

پالی پولیس سے موصولہ اطلاع کے مطابق شیو ٹریولس کی بس کوربا سے بلاس پور جارہی تھی کہ پالی کے قریب تیندو پتا گودام کے قریب تیز رفتار ٹرک سے ٹکرا گئی۔ حادثے میں بس کے اگلے حصے کو شدید نقصان پہنچا، ڈرائیور کیبن کے اندر ہی پھنس گیا۔

واقعہ کی اطلاع ملتے ہی پالی پولیس موقع پر پہنچی۔ مقامی لوگوں اور پولیس اہلکاروں نے مل کر بچاو¿ اور ریلیف آپریشن شروع کیا۔ کافی کوشش کے بعد کیبن میں پھنسے ڈرائیور کو بحفاظت نکال لیا گیا۔ پولیس اور مقامی شہریوں کی بروقت کارروائی سے ڈرائیور کی جان بچ گئی۔

بتایا جاتا ہے کہ حادثے کے وقت بس میں تقریباً 40 سے 50 مسافر سوار تھے۔ حادثے میں بس کے آگے بیٹھے مسافروں کو سب سے زیادہ چوٹیں آئیں۔ تقریباً 12 مسافروں کو شدید چوٹیں آئیں جبکہ ایک درجن سے زائد دیگر زخمی بھی ہوئے۔

تمام زخمیوں کو فوری طور پر 108 ایمبولینس کے ذریعے پالی کمیونٹی ہیلتھ سنٹر منتقل کیا گیا، جہاں ان کا علاج جاری ہے۔ پولیس نے مقدمہ درج کر کے تفتیش شروع کر دی ہے۔ حادثے کے بعد کچھ دیر کے لیے متاثر ہونے والی ٹریفک کو اب بحال کر دیا گیا ہے۔

ہندوستھان سماچار

ہندوستان سماچار / عطاءاللہ