نئی دہلی ،14جون (ہ س )۔

2026 کامن ویلتھ گیمز کے لیے ہندوستانی ایتھلیٹکس ٹیم کااعلان کر دیا گیا ہے جس میں جیولین تھروور اسٹار کھلاڑی نیرج چوپڑا سمیت 32کھلاڑی شامل ہیں ۔ دریں اثنا نیرج چوپڑا کے انتخاب کے بعد سوال کھڑے ہو گئے ہیں جس پر ایتھلیٹکس فیڈریشن آف انڈیا (اے ایف آئی) نے اسٹار جیولین تھرو کھلاڑی نیرج چوپڑا کے انتخاب کے حوالے سے صورتحال واضح کیا ہے ۔ فیڈریشن نے کہا کہ اگرچہ نیرج چوپڑا کا نام 32 رکنی ممکنہ اسکواڈ میں شامل کیا گیا ہے لیکن ان کے حتمی انتخاب کی ابھی تصدیق نہیں ہوئی ہے۔ ا نہیں مقررہ کوالیفکیشن مارک حاصل کرنا ہوگا۔ اے ایف آئی کے ترجمان اور عالمی ایتھلیٹکس کے نائب صدر عادل سماری والا نے اتوار کو ایک ورچوئل پریس کانفرنس میں کہا کہ تمام منتخب ایتھلیٹس کوالیفکیشن کے معیار پر پورا اترے ہیں، صرف نیرج چوپڑا نے ابھی تک یہ ہدف حاصل کرنا ہے۔

سماری والا نے کہا، نیرج کو کوالیفائی کرنا ضروری ہے۔ دیگر تمام منتخب ایتھلیٹس پہلے ہی کوالیفکیشن کا معیار حاصل کر چکے ہیں۔ نیرج کو اب اس معیار پر پورا اترنا ہوگا۔ انہوں نے ٹرپل جمپر سیلوا پربھو کے انتخاب کے حوالے سے بھی صورتحال واضح کی۔ سماری والا کے مطابق، سیلوا پہلے ہی کوالیفائی کر چکے ہیں، لیکن ان کی موجودہ فٹنس اور فارم کو دیکھتے ہوئے، انہیں بین ریاستی چیمپئن شپ میں اہلیت کی سطح کے قریب پرفارم کرنا پڑے گا۔

نیرج جلد ہی مقابلے میں واپس آسکتے ہیں۔

نیرج چوپڑا اس وقت انجری سے صحت یاب ہونے کے بعد ٹریننگ کر رہے ہیں۔ تاہم، انہوں نے ابھی تک اپنے مسابقتی سیزن کا آغاز نہیں کیا ہے۔ اے ایف آئی کے مطابق وہ آئندہ چند روز میں اپنے مقابلے کے شیڈول کو حتمی شکل دیں گے۔ سماری والا نے کہا، نیرج ہمیں اگلے چند دنوں میں اپنے مقابلے کے منصوبے سے آگاہ کریں گے۔ وہ ابھی فٹ ہیں اور تربیت کر رہے ہیں۔ انہیں صرف مسابقتی فٹنس حاصل کرنے کی ضرورت ہے۔

ہندوستھان سماچار

ہندوستان سماچار / عطاءاللہ