اڈپی، 13 جون (ہ س)۔

مرکزی وزیر خزانہ نرملا سیتا رمن نے ہفتہ کو کرناٹک کے اڈپی ضلع کا دورہ کیا اور مذہبی عقیدے، ثقافتی ورثے اور ماحولیاتی تحفظ سے متعلق مختلف پروگراموں میں حصہ لیا۔ اپنے قیام کے دوران، انہوں نے ضلع کے بڑے مندروں میں جاکر اور پوجا کرکے ملک اور ریاست کی خوشحالی کے لیے دعا کی۔انہوں نے وزیر اعظم نریندر مودی کی پہل ایک پیڑماں کے نام کے تحت ایک درخت لگا کر ماحولیاتی تحفظ کا پیغام بھی پھیلایا۔

ہفتہ کی صبح اڈپی پہنچنے کے بعد وزیر خزانہ نے سب سے پہلے بھگوان کرشن کی پوجا کرنے کے لیے مشہور سری کرشنا مٹھ کا دورہ کیا۔اس کے علاوہ وہ دیگر تاریخی اور اہم مندروں میں درشن کیلئے پہنچیں اور پوجا ارچنا کی۔

اڈپی میں ان کے قیام کا ایک اہم حصہ ماحولیاتی تحفظ کے لیے وقف تھا۔ اچھل کے مہالکشمی مندر کمپلیکس میں منعقد شجر کاری کے پروگرام میں حصہ لیتے ہوئے، نرملا سیتارامن نے ایک پیڑما ںکے نام مہم کے تحت ایک درخت لگایا۔ اس موقع پر انہوں نے کہا کہ ماحولیاتی تحفظ صرف حکومتی پروگرام نہیں بلکہ معاشرے کی اجتماعی ذمہ داری ہے۔ آنے والی نسلوں کو صاف ستھرا اور محفوظ ماحول فراہم کرنے کے لیے ہر شہری کو درخت لگانے اور فطرت کے تحفظ سے آگاہ ہونا چاہیے۔

انہوں نے کہا کہ اگر ہر شخص اپنی ماں کے احترام میں ایک درخت لگانے اور اس کی پرورش کا عہد کرے تو ملک کے سرسبز و شاداب کو بڑھانے اور ماحولیاتی توازن برقرار رکھنے میں بڑی کامیابی حاصل کی جا سکتی ہے۔ انہوں نے اس مہم کو جذباتی تعلق اور ماحولیاتی ذمہ داری کی ایک متاثر کن مثال قرار دیا۔

ہندوستھان سماچار

ہندوستان سماچار / عطاءاللہ