۔متاثرہ کے والد نے پولیس میں نامزد ایف آئی آر درج کرائی

نوئیڈا، 11 جون (ہ س)۔ نوئیڈا کے سیکٹر 62 میں بی پی او میں کام کرنے والی ایم بی اے کی طالبہ کا وہیں پر کام کرنے والے تین افراد نے ذہنی اور جسمانی طور پر استحصال کیا۔ انہوں نے اسے فحش حرکات کا نشانہ بنایا اور زبردستی جسمانی تعلقاتبنانے کی کوشش کی۔ پریشان طالبہ نے بریلی مٰں جاکر ریلوے اسٹیشن کے اوور برج سے چھلانگ لگا کر خودکشی کی کوشش کی۔ تشویشناک حالت میں اسے علاج کے لیےاسپتال میں داخل کرایا گیا ہے۔ سیکٹر 58 تھانہ پولیس معاملے کی تحقیقات کر رہی ہے۔

سیکٹر 58 پولیس اسٹیشن کے انچارج انسپکٹر امت کمار نے بتایا کہ ایک شخص نے کل رات پولیس اسٹیشن میں رپورٹ درج کرائی جس میں دعویٰ کیا گیا کہ وہ بدایوں ضلع کا رہنے والا ہے۔ متاثرہ کے مطابق، اس کی بیٹی بریلی کے ایک کالج سے ایم بی اے کے آخری سال میں پڑھ رہی ہے اور چار ماہ سے نوئیڈا کے سیکٹر 62 میں واقع بی پی او ٹیک مہندرا میں کام کر رہی ہے۔ متاثرہ کے مطابق، وہیں پر کام کرنے والے آیوش شرما، سورو اپادھیائے اور ابھینو سے اس کی دوستی ہوئی۔

ان افراد نے پہلے ان کی بیٹی کو میٹھی میٹھیباتوں میں پھنسایا اور پھر کچھ دن بعد اس کے گھر جا کر زبردستی جنسی زیادتی کی کوشش کی۔ جب اس کی بیٹی نے پولیس اور اپنے اہل خانہ کو اطلاع دینے کی دھمکی دی تو ملزم نے اس کی فحش تصاویر سوشل میڈیا پر شائع کرنے اور تیزاب سے جلانے کی دھمکی دی۔

انہوں نے 29 مئی کو اپنی بیٹی کو بریلی بلا لیا۔ وہ اپنی بیٹی کو بریلی میں واقع کالج میں ایم بی اے کا امتحان دلوانے گئے تھے۔تب ہی ملزمین اسے فون کرتے رہے۔

ان کے مطابق، اس دباؤ کی وجہ سے ان کی بیٹی شدید ذہنی اور جسمانی تناو کا شکار تھی۔ اس نے ایک خودکشی نوٹ لکھا اور پھر بھوجی پورہ ریلوے اسٹیشن کے اوور برج پر جاکر خودکشی کے ارادے سے اس سے چھلانگ لگا دی۔ متاثرہ کے والد کے مطابق ،جی آر پی پولیس نے ان کی بیٹی کو علاج کے لیے اسپتال میں داخل کرایا۔ وہاں سے اسے ایک بڑے اسپتال میں ریفر کر دیا گیا۔

متاثرہ کے والد نے بتایا کہ ڈاکٹروں کے مطابق ان کی بیٹی کا ایک بازو کاٹنا پڑے گا۔ اس کی حالت بدستور تشویشناک ہے۔ تھانہ انچارج نے بتایا کہ ابتدائی طور پر بریلی ضلع کے جی آر پی پولیس اسٹیشن میں کیس درج کیا گیا تھا۔ اس کے بعد کیس کو کل رات نوئیڈا منتقل کردیا گیا۔ پولیس نے واقعہ کی رپورٹ درج کرکے معاملے کی تحقیقات شروع کردی ہے۔

ہندوستھان سماچار

ہندوستان سماچار / محمد شہزاد