جے پی معاملے میں این سی ایل اے ٹی نے اڈانی گروپ کی بولی کے خلاف ویدانتا کی اپیل خارج کی

نئی دہلی، 4 مئی (ہ س)۔ نیشنل کمپنی لا اپیل ٹریبونل (این سی ایل اے ٹی) نے معروف صنعت کار انل اگروال کی کمپنی ویدانتا لمیٹڈ کی طرف سے دائر دو عرضیوں کو خارج کر دیا ہے۔ کمپنی نے قرض میں ڈوبے جئے پرکاش ایسوسی ایٹس لمیٹڈ کے بولی دہندہ کے طور پر اڈانی انٹرپرائزز لمیٹڈ کے انتخاب کو چیلنج کیا تھا۔ ویدانتا لمیٹڈ کو پہلے بھی اس معاملے میں سپریم کورٹ میں مایوسی کا سامنا کرنا پڑا تھا۔

جسٹس (ریٹائرڈ) اشوک بھوشن اور تکنیکی رکن برون مترا کی سربراہی والی بنچ نے نیشنل کمپنی لا ٹربیونل (این سی ایل اے ٹی) کے پہلے حکم کو برقرار رکھا اور کہا کہ فیصلہ کرنے والی اتھارٹی کے فیصلے میں مداخلت کی کوئی بنیاد نہیں ہے۔ بنچ نے کہا کہ اپیلیں میرٹ سے عاری ہیں۔ دونوں اپیلیں خارج کی جاتی ہیں۔ مزید حکم صادر کرنے کی ضرورت نہیں ہے۔

این سی ایل اے ٹی نے پایا کہ 14 نومبر 2025 کو اپنی 24ویں میٹنگ میں ضمیمہ پر غور نہ کرنے کا کمیٹی کا فیصلہ نہ تو غلط تھا اور نہ ہی غیر معقول۔ ویدانتا نے تشخیص کے معیار پر سوال اٹھایا تھا، یہ دلیل دیتے ہوئے کہ اس کی بولی مجموعی قیمت کے لحاظ سے 3,400 کروڑ زیادہ اور خالص موجودہ قیمت (این پی وی) میں تقریباً 500 کروڑ زیادہ تھی۔ اس کو مسترد کرتے ہوئے، این سی ایل اے ٹی نے کہا کہ سی او سی کے زیادہ قیمت والے منصوبے کو منظور کرنے سے انکار کو من مانی یا غیر معقول نہیں سمجھا جا سکتا۔

17 مارچ کو، کمپنی لا ٹربیونل کی الہ آباد بنچ نے جے پرکاش ایسوسی ایٹس لمیٹڈ کو حاصل کرنے کے لیے اڈانی انٹرپرائزز لمیٹڈ کی 14,535 کروڑ کی بولی کو منظوری دی، اس فیصلے کو ویدانتا نے قومی دارالحکومت علاقہ دہلی (ین سی ایل اے ٹی) میں چیلنج کیا تھا۔ ویدانتا نے اس حکم کو سپریم کورٹ میں چیلنج بھی کیا، لیکن عدالت عظمیٰ نے اس پر روک لگانے سے انکار کردیا۔

جے پی گروپ کی فلیگ شپ کمپنی جے اے ایل کو 57,185 کروڑ روپے کے قرض کی ادائیگی میں ڈیفالٹ ہونے کے بعد جون 2024 میں کارپوریٹ دیوالیہ پن کے حل کے عمل کے تحت رکھا گیا تھا۔ اڈانی انٹرپرائزز نے جے اے ایل کی بولی ویدانتا لمیٹڈ اور ڈالمیا بھارت کو پیچھے چھوڑتے ہوئے جیت لی تھی۔ اڈانی انٹرپرائزز کو قرض دہندگان کے سب سے زیادہ 89 فیصد ووٹ ملے۔

جے پرکاش ایسوسی ایٹس لمیٹڈ (جے اے ایل) کے لیے اڈانی گروپ کے ریزولیوشن پلان کو نیشنل کمپنی لا اپیل ٹریبونل نے منظور کر لیا ہے، اس عمل کو چیلنج کرنے والی ویدانتا گروپ کی طرف سے دائر کی گئی درخواست کو خارج کر دیا گیا ہے۔

ہندوستھان سماچار

---------------

ہندوستان سماچار / عبدالسلام صدیقی