جموں, 31 مئی (ہ س)۔ جموں و کشمیر کے ٹرانسپورٹ کمشنر وشیش مہاجن نے جموں کے ایک معروف کوچنگ انسٹی ٹیوٹ میں منعقدہ تقریبِ اعزاز میں بطور مہمانِ خصوصی شرکت کی، جہاں سی بی ایس ای بارہویں جماعت کے امتحانات میں نمایاں کارکردگی کا مظاہرہ کرنے والے طلبہ کو اعزازات سے نوازا گیا۔تقریب سے خطاب کرتے ہوئے ٹرانسپورٹ کمشنر نے طلبہ کو ان کی شاندار کامیابی پر مبارکباد پیش کی اور کہا کہ محنت، لگن اور مستقل مزاجی ہی کامیابی کی کنجی ہیں۔ انہوں نے طلبہ پر زور دیا کہ وہ مستقبل میں بھی اپنی تعلیم پر توجہ مرکوز رکھیں اور اپنے مقاصد کے حصول کے لیے بھرپور محنت جاری رکھیں۔
وشیش مہاجن نے طلبہ کے ساتھ تبادلۂ خیال بھی کیا اور انہیں کیریئر کے مختلف مواقع، ذاتی نشوونما اور زندگی میں درپیش چیلنجز سے نمٹنے کے حوالے سے مفید مشورے دیے۔
انہوں نے کوچنگ انسٹی ٹیوٹ کی انتظامیہ کی خدمات کو سراہتے ہوئے طلبہ کی تعلیمی ترقی اور رہنمائی میں ادارے کے کردار کی تعریف کی۔
تقریب کے دوران دیا راکیش، اننیا سلاتھیا اور ارہم جین سمیت کئی نمایاں طلبہ کو ان کی بہترین تعلیمی کارکردگی پر اعزازات سے نوازا گیا۔
ہندوستھان سماچار
---------------
ہندوستان سماچار / محمد اصغر
