نئی دہلی 23 مئی ( ہ س ) ۔ کرکٹ آئرلینڈ نے نیوزی لینڈ کے خلاف ہونے والے تاریخی ٹیسٹ میچ کے لیے 14 رکنی ٹیم کا اعلان کر دیا ہے۔ یہ مقابلہ 27 سے 30 مئی تک بیلفاسٹ کے اسٹرامنٹ میدان میں کھیلا جائے گا۔

اینڈریو بالبرنی ٹیم کی کپتانی کریں گے۔ وہ ٹیسٹ کرکٹ میں دسویں بار آئرلینڈ کی قیادت کریں گے۔ تاہم ٹیم کو کئی اہم کھلاڑیوں کی غیر موجودگی کا سامنا کرنا پڑے گا۔

پال اسٹرلنگ، بیری میکارتھی، جوش لٹل، گیون ہوئی اور جورڈن نیل چوٹ کی وجہ سے اس میچ سے باہر ہو گئے ہیں۔

وہیں جیک ایگن، ٹام میئس، لیام میکارتھی اور روبن ولسن کو پہلی بار ٹیسٹ کرکٹ میں ڈیبیو کرنے کا موقع مل سکتا ہے۔

دوسری جانب نیوزی لینڈ نے بھی اس میچ کے لیے اپنی ٹیم کا اعلان کر دیا ہے۔ کیوی ٹیم کی کپتانی ٹام لیتھم کریں گے، جبکہ اسٹار بلے باز کین ولیمسن بھی ٹیم کا حصہ ہیں۔

آئرلینڈ کی ٹیسٹ ٹیم:

اینڈریو بالبرنی (کپتان)، مارک اڈیئر، کرٹس کیمفر، کیڈ کارمائیکل، اسٹیفن ڈوہنی، جیک ایگن، میتھیو ہمفریز، ٹام میئس، اینڈریو میک برائن، لیام میکارتھی، ہیری ٹیکٹر، لورکن ٹکر، روبن ولسن اور کریگ ینگ۔

ہندوستھان سماچار

---------------

ہندوستان سماچار / عبدالواحد