نیپال کے پانچتھر میں سیلاب اور لینڈ سلائیڈنگ سے بھاری تباہی

کاٹھمانڈو، 23 مئی (ہ س)۔ نیپال کے پانچتھر ضلع میں سیلاب اور لینڈ سلائیڈنگ سے بھاری نقصان ہوا ہے۔ ہفتے کی صبح آئے سیلاب کے باعث سڑک، پل، قابلِ کاشت زمین اور مکانات کو نقصان پہنچا ہے۔

مدھیہ پہاڑی لوک مارگ پوری طرح مسدود ہو گیا ہے۔ اویام بازار کے پاس مٹی کے تودے گرے ہیں۔ مقامی لوگوں کے مطابق فلیچا اور چیانگ تھاپو کے مختلف مقامات پر کھیت بہہ گئے ہیں۔ چیانگ تھاپو میں دو مکانات کو بھی نقصان پہنچنے کی اطلاع ملی ہے۔

بانچتھر سے تاپلی جنگ جانے والے راستے پر اندراوتی ندی کے پل کو نقصان پہنچا ہے۔ اسی طرح تمور کوریڈور کے زیرِ تعمیر لمبونی پل کو بھی نقصان پہنچا ہے۔

مقامی لوگوں نے بتایا کہ پڑوسی ضلع تاپلی جنگ کے سدنگبا علاقے میں بھی سیلاب اور مٹی کے تودے گرنے سے نقصان ہوا ہے۔ کاویلی اور تمور ندیوں میں سیلاب آ گیا ہے۔

پانچتھر کے پولیس سربراہ ڈی ایس پی انیش کرن نے معلومات دی کہ سیلاب اور مٹی کے تودے گرنے سے سڑک، پل اور فصلوں کو نقصان پہنچنے کی خبریں ملی ہیں اور نقصان کی تفصیلات جمع کرنے کا کام جاری ہے۔

ہندوستھان سماچار

---------------

ہندوستان سماچار / انظر حسن