پریاگ راج، 22 مئی (ہ س):۔

سینٹ جوزف کالج، پریاگ راج کے 8ویں کلاس کے طالب علم حارث خان نے 18 مئی سے اتر پردیش کے لکھنو¿ میں منعقدہ اے آئی ٹی اے انڈر 14 چیمپئن شپ سیریز لان ٹینس ٹورنامنٹ میں مسلسل چوتھے ہفتے شاندار کارکردگی کا مظاہرہ کرتے ہوئے سنگل کیٹیگری کا خطاب اپنے نام کیا جبکہ ڈبلز زرے میں وہ رنر اپ رہے۔

حارث کے کوچز اسد اقبال اور سیف اقبال نے جمعہ کو یہ معلومات شیئر کیں۔ سنگلز سیمی فائنل میں، اس نے چوتھی سیڈ لکھنو¿ کے تیجس سنگھ کو قریبی مقابلے میں 6-7(3)، 7-6(6)، 6-3 سے شکست دے کر فائنل میں جگہ بنائی۔ فائنل میں، حارث نے لکھنو¿ کے تیسرے نمبر کے یوراج سنگھ کو سیدھے سیٹوں میں 6-2، 6-3 سے شکست دے کر چیمپئن شپ کا خطاب جیت لیا۔

ڈبلز فائنل میں حارث خان اور تیجس سنگھ کو پٹنہ کے انکور آلوک اور وارانسی کے آیوشمان پاٹھک سے قریبی مقابلہ میں 7-6(2), 7-6(4) سے شکست ہوئی۔ اس طرح حارث اور تیجس کو ڈبلز زمرے میں رنر اپ کے مقام پر اکتفا کرنا پڑا۔

ان کے کوچز اسد اقبال اور سیف اقبال نے حارث کو اس کامیابی پر مبارکباد دی اور مستقبل کے ٹورنامنٹس میں ان کی شاندار کارکردگی کے لیے نیک خواہشات کا اظہار کیا۔

ہندوستھان سماچار

ہندوستان سماچار / عطاءاللہ