نئی دہلی، 15 مئی (ہ س)۔ آسام میں ہولونگاپار گبن سینکچری سے گزرنے والی لمڈنگ-ڈبرو گڑھ ریلوے لائن پر بنے کینوپی پل پر جمعہ کو ایک مذکر مغربی ہولاک گبن کو دیکھا گیا۔ یہ ہندوستان میں گبن کے تحفظ کا ایک اہم لمحہ ہے۔ کینوپی پل کو مرکزی وزارت ماحولیات، جنگلات اور موسمیاتی تبدیلی کے مشورے اور رہنمائی کے تحت آسام کے محکمہ جنگلات اور وائلڈ لائف انسٹی ٹیوٹ آف انڈیا نے ایک احتیاطی اقدام کے طور پر ڈیزائن اور نصب کیا تھا۔

اس واقعہ پر خوشی کا اظہار کرتے ہوئے مرکزی وزیر بھوپیندر یادو نے کہا کہ ٹیکنالوجی پر مبنی تحفظ اسکیم کے تحت آسام سے گزرنے والی ریلوے لائن پر بنائے گئے اس کینوپی پل جیسے حفاظتی اقدامات کو ہولاک گبن نے استعمال کرنا شروع کر دیا ہے۔

اس سے ظاہر ہوتا ہے کہ چھوٹے پیمانے پر سائنس پر مبنی کوششیں بھی حیاتیاتی تنوع کے تحفظ میں بہت مددگار ثابت ہو سکتی ہیں۔

قابل ذکر ہے کہ آسام کے ہولونگاپار گبن سینکچری میں خطرے سے دوچار ہولاک گبن کے تحفظ کے لیے کوششیں جاری ہیں، لیکن انہیں غیر قانونی کٹائی، ریلوے لائنوں اور چائے کے باغات سے خطرہ لاحق ہے۔ راہداریوں کو دوبارہ جوڑنا اور کمیونٹی کی شرکت تحفظ کے لیے ضروری ہے۔انہیں 1972 کے وائلڈ لائف پروٹیکشن ایکٹ کے شیڈول 1 کے تحت تحفظ حاصل ہے۔

---------------

ہندوستان سماچار / عبدالسلام صدیقی