نئی دہلی، یکم مئی (ہ س)۔ وزیر اعظم نریندر مودی نے آج یوم مہاراشٹر اور یوم گجرات کے موقع پر دونوں ریاستوں کے عوام کو مبارکباد دی۔ ایکس پر پوسٹ کرتے ہوئے وزیر اعظم مودی نے دونوں ریاستوں کی شاندار روایات اور ملک کی ترقی میں ان کے تعاون کی ستائش کی۔
وزیر اعظم مودی نے کہا کہ مہاراشٹرا ایک ایسی ریاست ہے جس میں سماجی بیداری، ثقافتی فراوانی اور مختلف شعبوں میں قیادت کی دیرینہ روایت ہے۔ انہوں نے ادب، تھیٹر، موسیقی، سنیما، صنعت، تعلیم اور سائنس جیسے شعبوں میں ریاست کی شراکت کو قابل ذکر قرار دیا۔ مزید برآں، انہوں نے مہاراشٹر کی مسلسل ترقی اور اس کے لوگوں کی بھلائی کے لیے اپنی نیک تمناو¿ں کا اظہار کیا۔
یوم گجرات کے موقع پر اپنے پیغام میں وزیر اعظم نے ریاست کے بھرپور ورثے، متحرک ثقافت اور یہاں کے لوگوں کی توانائی کی تعریف کی۔ انہوں نے نوٹ کیا کہ گجرات نے ملک کی ترقی میں ایک اہم حصہ ڈالا ہے، جس کی وجہ سے یہاںکے لوگوں کاکاروباری جذبہ خاص طور پر قابل ذکر ہے۔ وزیر اعظم نے امید ظاہر کی کہ گجرات آنے والے وقت میں ترقی کے نئے معیارات قائم کرتا رہے گا۔
---------------
ہندوستان سماچار / عبدالسلام صدیقی
