نئی دہلی، یکم مئی (ہ س)۔ دہلی کے ڈپٹی میئر ڈاکٹر مونیکا پنت نے جمعہ کو کرکڑڈوما کے وارڈ نمبر 206 آنند وہار میں واقع ڈی ڈی اے مارکیٹ کا اچانک معائنہ کیا اور غیر قانونی تعمیرات اور تجاوزات کے خلاف سخت کارروائی کی۔ معائنہ کے دوران ناجائز تجاوزات کو موقع پر ہٹایا گیا اور متعلقہ محکموں کو فوری طور پر سخت کارروائی کرنے کی ہدایت کی گئی۔

ڈپٹی میئر ڈاکٹر مونیکا پنت نے کہا کہ تجاوزات اور غیر قانونی تعمیرات کو کسی بھی صورت میں برداشت نہیں کیا جائے گا۔ غفلت برتنے والے اہلکاروں کا احتساب کیا جائے گا۔ انہوں نے عہدیداروں کو خبردار کیا کہ اگر مستقبل میں دوبارہ ایسی بے قاعدگیوں کا پتہ چلا تو سخت کارروائی کی جائے گی۔

ڈاکٹر مونیکا پنت نے علاقے میں باقاعدہ نگرانی، صفائی ستھرائی اور نظم و نسق برقرار رکھنے کے حوالے سے سخت ہدایات جاری کیں۔

ڈپٹی میئر نے کہا کہ دہلی میونسپل کارپوریشن زیرو ٹالرنس کی پالیسی پر عمل پیرا ہے اور دارالحکومت کو تجاوزات سے پاک، صاف ستھرا اور منظم بنانے کے لیے مسلسل مہم چلا رہی ہے۔ انہوں نے عہدیداروں کو ہدایت دی کہ وہ مفاد عامہ کو بالائے طاق رکھتے ہوئے ہر سطح پر سختی اور شفافیت کو یقینی بنائیں۔

معائنہ کے دوران شاہدرہ ساو¿تھ زون کی ڈپٹی کمشنر ممتا یادو اور دیگر متعلقہ افسران موقع پر موجود تھے۔

---------------

ہندوستان سماچار / عبدالسلام صدیقی