سنداروف اور پرگیانند ڈرا پر رکے

نئی دہلی، 09 اپریل (ہ س)۔ آر ویشالی نے شاندار کارکردگی کا مظاہرہ کرتے ہوئے ہم وطن دویا دیشمکھ کو ہرا کر فیڈے کینڈیڈیٹس 2026 کے راونڈ 9 کے بعد ٹاپ پوزیشن پر مشترکہ برتری حاصل کر لی ہے۔ اب وہ ژو جنر کے ساتھ برابری پر ہیں، جنہوں نے کٹرینا لاگنو کو شکست دی۔

ویشالی نے دویا کی جانب سے سینٹر میں کی گئی ایک غلطی کا بھرپور فائدہ اٹھایا۔ دویا کے Nd3 جیسے اوور کمٹمنٹ والے موو نے ان کی پوزیشن کو کمزور کر دیا، جس سے سینٹر پر پکڑ ڈھیلی پڑ گئی اور پیادوں میں کمزوری آ گئی۔ اس کے بعد Rxc6 اور Bc7 جیسی چالوں کے ذریعے ویشالی نے اپنے کوئین اور رُوک کو سرگرم کیا اور کھلی فائلوں و ڈائیگونلز پر کنٹرول حاصل کر لیا۔

Rb1 .28 سے لے کر Rb7 تک ویشالی نے ساتویں رینک پر دراندازی کر دی، کمزور پیادوں کو نشانہ بنایا اور وقت کے دباو میں آئی دویا کو بالآخر ہار ماننے پر مجبور کر دیا۔

دوسری طرف، آر پرگیانند نے وی ای کے خلاف جارحانہ کھیل دکھایا۔ Nd6 .32 ایک شاندار چال رہی، جس سے بلیک کی ساخت پر دباو بنا۔ اس کے بعد Rxe4 .35 کے ذریعے انہوں نے ڈبل اٹیک کیا اور کئی کمزوریوں کو نشانہ بنایا۔

تاہم، فیصلہ کن برتری کے لیے کوئی ٹھوس پیادہ بریک نہ مل سکا اور وی ای نے مضبوط دفاع کرتے ہوئے مقابلے کو ڈرا پر ختم کرایا۔

ادھر، ٹیبل ٹاپرز جاوکھیر سنداروف کو لگاتار دوسری بار ڈرا پر اکتفا کرنا پڑا، جب انہوں نے ماتھیاس بلو بوم کے خلاف جیت کی پوزیشن گنوا دی۔

دیگر مقابلوں میں انیش گری نے فابیانو کاروانا کو ہرایا، جبکہ آندرے اسی پینکو اور ہیکارو ناکامورا کے درمیان مقابلہ ڈرا رہا۔

خواتین کے زمرے میں انا میوزیک اور تان ژونگی کے درمیان بازی برابری پر ختم ہوئی، جبکہ الیگزینڈرا گوریاچکینا اور بیبیسارا اساو بائیوا نے بھی پوائنٹس شیئر کیے۔

ہندوستھان سماچار

---------------

ہندوستان سماچار / انظر حسن