نئی دہلی، 09 اپریل (ہ س)۔ لوک سبھا کے اسپیکر اوم برلا اور وزیر داخلہ امت شاہ سمیت کئی رہنماو¿ں نے جمعرات کو سنٹرل ریزرو پولیس فورس (سی آر پی ایف) کے یوم شجاعت کے موقع پر سی آر پی ایف کے شہیدوں کو خراج عقیدت پیش کیا۔
اوم برلا نے ایکس پر کہا،”دہشت گردی، نکسل ازم، داخلی سلامتی کے چیلنجوں اور قدرتی آفات جیسی ہر مشکل صورتحال میںناقابل تسخیر بہادری اور غیر متزلزل عزم کے ساتھ ملک کی حفاظت میں مصروف سی آر پی ایف کے تمام بہادر افسران اور جوانوں کو یوم شجاعت کی مبارکباد!نامساعد حالات میں بھی اپنے فرائض سے کبھی نہ لڑکھڑانے والے سی آر پی ایف کے جانبازوں کے ملک کے اتحاد اور سالمیت کو مضبوط بنائے رکھنے میں اہم کردار ہے۔
امت شاہ نے کہا کہ 1965 میں آج ہی کے دن سی آر پی ایف کے نڈر جنگجو کچھ کے رن میں سردار پوسٹ پر ایک ناقابل تسخیر دیوار کی طرح کھڑے رہے ، دشمن کے حملے کو ناکام بناتے ہوئے ہندوستان کی تاریخ میں بہادری کا ایک شاندار باب لکھا۔ ملک کے وقار اور سلامتی کے لیے جانوں کا نذرانہ پیش کرنے والے شہداءکو خراج عقیدت۔
کانگریس جنرل سکریٹری پرینکا گاندھی واڈرا نے کہا، ”گزشتہ 85 برسوں میں، آپ کی بہادری، شجاعت، قوم کی بے لوث خدمت اور قربانی نے قوم کو مضبوط کیا ہے۔ اس کے لیے ملک ہمیشہ آپ کا ممنون رہے گا۔“
بہت چھوٹی، چھوٹی اور درمیانی درجے کی صنعتوں کے وزیر جیتن رام مانجھی نے کہا کہ اسی دن سی آر پی ایف کے جوانوں نے گجرات کے کچھ کے رن میں سردار پوسٹ پر پاکستانی دستے کو شکست دی تھی۔
زراعت اور کسانوں کی بہبود کے وزیر شیوراج سنگھ چوہان نے کہا کہ ملک اور اس کے شہریوں کی حفاظت کے لیے فوجیوں کی لگن مثالی ہے۔ قوم کو ہندوستان ماتا کے بہادر بیٹوں پر فخر ہے۔ آپ کے جذبہ خدمت کو سلام!
سماجی انصاف اور تفویض اختیارات کے وزیر ڈاکٹر وریندر کمار نے کہا کہ وہ سنٹرل ریزرو پولیس فورس کے شہیدوں کو سلام پیش کرتے ہیں جنہوں نے ملک کی سلامتی کے لیے جام شہادت نوش کیا۔
قانون و انصاف کے وزیر مملکت (آزادانہ چارج) ارجن رام میگھوال نے کہا کہ فورس کے جوانوں کی ہمت، قربانی اور لگن ملک کی سلامتی کی مضبوط بنیاد ہے۔ وہ تمام بہادر فوجیوں کی بہادری کو سلام پیش کرتے ہیں۔
ہندوستھان سماچار
ہندوستان سماچار / محمد شہزاد
