نئی دہلی، 09 اپریل (ہ س)۔ مغربی ایشیا میں سیز فائر کو لے کر ایران اور امریکہ دونوں فریقین کی جانب سے ایک دوسرے کے خلاف بیان آنے کے بعد گلوبل مارکیٹ میں ایک بار پھر بے چینی کا ماحول پیدا ہو گیا ہے۔ امریکہ نے جہاں ایران کی شرائط کو مضحکہ خیز بتایا ہے، وہیں ایران نے ایک بار پھر ہرمز اسٹریٹ کو بند کرنے کی تنبیہ دی ہے۔ اس تناتنی کی وجہ سے آج پوری دنیا میں دباو کا ماحول بنا ہوا ہے۔ مغربی ایشیا میں ایک بار پھر کشیدگی میں اضافے کے خدشے کے پیش نظر گلوبل مارکیٹ سے آج کمزوری کے اشارے مل رہے ہیں۔

اس سے پہلے سیز فائر نافذ ہونے کی خوشی میں امریکی بازار گزشتہ سیشن کے دوران زبردست مضبوطی کے ساتھ بند ہوئے تھے۔ حالانکہ ڈاو جونز فیوچر آج دباو میں کاروبار کرتا ہوا نظر آ رہا ہے۔ یورپی بازار بھی گزشتہ سیشن کے دوران زوردار چھلانگ لگانے میں کامیاب رہے تھے۔ وہیں، ایشیائی بازار میں سیز فائر فیل ہونے کے خدشے کی وجہ سے آج فروخت کا دباو برقرار ہے۔

مغربی ایشیا میں سیز فائر کا اعلان ہونے سے پرجوش امریکی بازار میں گزشتہ سیشن کے دوران مسلسل تیزی کا ماحول بنا رہا۔ ایس اینڈ پی 500 انڈیکس 166.04 پوائنٹس یعنی 2.51 فیصد اچھل کر 6,782.89 پوائنٹس کی سطح پر بند ہوا۔ اسی طرح نیس ڈیک نے 617.15 پوائنٹس یعنی 2.80 فیصد کی چھلانگ لگا کر 22,635 پوائنٹس کی سطح پر گزشتہ سیشن کے کاروبار کا اختتام کیا۔ دوسری جانب، آج سیز فائر کو لے کر بنے ڈر کے ماحول کی وجہ سے ڈاو جونز فیوچرز 0.03 فیصد کی معمولی کمزوری کے ساتھ 47,897.02 پوائنٹس کی سطح پر کاروبار کرتا ہوا نظر آ رہا ہے۔

سیز فائر کی خبر کو لے کر بنے جوش و خروش کے ماحول کی وجہ سے گزشتہ سیشن کے دوران یورپی بازار میں بھی زبردست تیزی کے ساتھ کاروبار ہوتا رہا۔ ایف ٹی ایس ای انڈیکس 260.09 پوائنٹس یعنی 2.45 فیصد کی مضبوطی کے ساتھ 10,608.88 پوائنٹس کی سطح پر بند ہوا۔ اسی طرح سی اے سی انڈیکس نے 355.13 پوائنٹس یعنی 4.30 فیصد کی سبقت کے ساتھ 8,263.87 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 1,159.04 پوائنٹس یعنی 4.81 فیصد کی چھلانگ لگا کر 24,080.63 پوائنٹس کی سطح پر بند ہوا۔

سیز فائر کے فیل ہونے کے خدشے کی وجہ سے ایشیائی بازار میں آج دباو بنا ہوا ہے۔ ایشیا کے 9 بازاروں میں سے 8 کے انڈیکس گراوٹ کے ساتھ سرخ نشان میں کاروبار کر رہے ہیں۔ وہیں ایک انڈیکس مضبوطی کے ساتھ سبز نشان میں کاروبار کر رہا ہے۔ ایشیائی بازار میں صرف تھائی لینڈ کے اسٹاک مارکیٹ میں مضبوطی کے ساتھ کاروبار ہو رہا ہے، جس کی وجہ سے سیٹ کمپوزٹ انڈیکس 0.55 فیصد اچھل کر 1,493.25 پوائنٹس کی سطح پر پہنچا ہوا ہے۔

دوسری جانب، گفٹ نفٹی 135.50 پوائنٹس یعنی 0.56 فیصد کی گراوٹ کے ساتھ 23,963.50 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.40 فیصد کی کمزوری کے ساتھ 4,976.12 پوائنٹس کی سطح پر آ گیا ہے۔ کوسپی انڈیکس میں آج بڑی گراوٹ درج کی گئی ہے۔ فی الحال یہ انڈیکس 93.30 پوائنٹس یعنی 1.59 فیصد ٹوٹ کر 5,779.04 پوائنٹس کی سطح تک گر گیا ہے۔

اسی طرح نکیئی انڈیکس 422.42 پوائنٹس یعنی 0.75 فیصد پھسل کر 55,886 پوائنٹس کی سطح پر آ گیا ہے۔ اس کے علاوہ شنگھائی کمپوزٹ انڈیکس 0.73 فیصد گر کر 3,965.70 پوائنٹس کی سطح پر، ہینگ سینگ انڈیکس 0.20 فیصد کی کمزوری کے ساتھ 25,841 پوائنٹس کی سطح پر، تائیوان ویٹیڈ انڈیکس 0.18 فیصد ٹوٹ کر 34,699 پوائنٹس کی سطح پر اور جکارتہ کمپوزٹ انڈیکس 0.11 فیصد کی گراوٹ کے ساتھ 7,271.33 پوائنٹس کی سطح پر کاروبار کر رہے ہیں۔

ہندوستھان سماچار

---------------

ہندوستان سماچار / انظر حسن