سرینگر، 09 اپریل (ہ س)۔ وزیر اعلیٰ عمر عبداللہ نے جمعرات کو کہا کہ مشرق وسطیٰ میں جاری جنگ بندی کی کوششوں کی کامیابی کو یقینی بنانے کے لیے امریکہ کو اسرائیل کو کنٹرول کرنا چاہیے، اس بات پر زور دیتے ہوئے کہ یہ تنازعہ ایران نے شروع نہیں کیا تھا بلکہ اس پر مسلط کیا گیا تھا۔ایس کے آئی سی سی سرینگر میں ایک تقریب کے موقع پر صحافیوں سے بات کرتے ہوئے وزیر اعلیٰ نے بڑھتی ہوئی کشیدگی، خاص طور پر لبنان میں اسرائیل کے اقدامات پر تشویش کا اظہار کیا۔ انہوں نے کہا کہ اگر جنگ بندی ناکام ہوتی ہے تو اس میں ایران کا قصور نہیں ہوگا بلکہ اس کی ذمہ داری صرف اسرائیل کی ہوگی، امریکا کو اسرائیل کو لگام ڈالنی ہوگی۔ امریکی صدر ڈونلڈ ٹرمپ کے حالیہ ریمارکس کا حوالہ دیتے ہوئے عمر نے کہا کہ واشنگٹن سے آنے والے بیانات میں تسلسل نہیں ہے۔ وہ صبح ایک بات کہتا ہے، دوپہر کو کچھ اور شام کو کچھ اور۔ وہ جس طرح کی زبان استعمال کرتا ہے وہ کسی کو بھی زیب نہیں دیتا۔

ان کا مزید کہنا تھا کہ لوگ امریکی صدر سے خوفزدہ ہیں، یہی وجہ ہے کہ بار بار دھمکیوں کے باوجود کوئی کارروائی نہیں کی جاتی۔ عمر نے یہ بھی کہا، ’’کچھ اور کرنے سے پہلے اس جنگ کا مقصد واضح ہونا چاہیے تھا‘۔بھارت کی سفارتی پوزیشن پر، انہوں نے ریمارکس دیے کہ نئی دہلی کے اسرائیل کے ساتھ قریبی تعلقات نے ثالثی کا کردار ادا کرنے کی صلاحیت کو محدود کر دیا ہے۔ انہوں نے کہا کہ اس جنگ کی ضرورت صرف اسرائیل کو تھی، اگر اسرائیل کے ساتھ ہمارے تعلقات اتنے قریبی نہ ہوتے تو شاید بھارت بھی پاکستان جیسا کردار ادا کر سکتا تھا۔ہندوستھان سماچار

ہندوستان سماچار / Aftab Ahmad Mir