نئی دہلی، 9 اپریل (ہ س):۔

ملک میں کسی بھی دہشت گردانہ حملے کی تیاری کے لئے، مرکزی صنعتی سیکورٹی فورس (سی آئی ایس ایف) نے دارالحکومت دہلی کے اندرا گاندھی بین الاقوامی ہوائی اڈے (آئی جی آئی) پر اپنی سالانہ اینٹی ہائی جیکنگ مشق کا انعقاد کیا۔ مشق کی قیادت ڈی آئی جی بابو رام نے کی اور اس میں سینئر افسران نے شرکت کی۔

سی آئی ایس ایف نے ایک ایکس پوسٹ میں اطلاع دی ہے کہ این ایس جی، دہلی پولیس، انٹیلی جنس بیورو (آئی بی)، بی سی اے ایس، ڈی جی سی اے، ڈائل، ایئرپورٹ فائر بریگیڈ، میڈیکل ٹیموں اور ایئر لائنز نے مشق میں حصہ لیا۔ سی آئی ایس ایف کی کوئیک ری ایکشن ٹیم، بم ڈسپوزل اسکواڈ اور ڈاگ اسکواڈ نے فوری کارروائی کا مظاہرہ کیا۔ اس طرح کی مشقیں تمام ایجنسیوں کے درمیان ہم آہنگی اور تیاری کی جانچ کرتی ہیں۔ اس میں اس بات کا اندازہ لگایا جاتا ہے کہ سیکیورٹی فورسز ہنگامی صورت حال پر کتنی تیزی سے ردعمل ظاہر کرتی ہیں، طبی ٹیمیں کتنی جلدی جائے وقوعہ پر پہنچتی ہیں، اور ہوائی اڈے کی کارروائیوں میں شامل دیگر ایجنسیاں کس طرح تعاون کرتی ہیں۔

ہندوستھان سماچا ر

ہندوستان سماچار / عطاءاللہ