تاریخ میں یکم مئی کا دن یومِ مزدور کے طور پر درج ہے، جو دنیا بھر میں محنت کشوں کے حقوق اور ان کی جدوجہد کی یاد دلاتا ہے۔ اس دن کو منانے کی روایت 19 ویں صدی کی مزدور تحریکوں سے وابستہ ہے۔ اسے مزدوروں کا بڑا دن بھی کہا جاتا ہے۔

صنعتی انقلاب کے دور میں مزدوروں سے طویل وقت تک کام لیا جاتا تھا اور ان کے حقوق محدود تھے۔ ایسے میں کام کے اوقات طے کرنے اور بہتر حالاتِ کار کے مطالبے کو لے کر 1877 کے آس پاس تحریکیں شروع ہوئیں، جو آہستہ آہستہ کئی ممالک میں پھیل گئیں۔

اس جدوجہد نے یکم مئی 1886 کو ایک فیصلہ کن شکل اختیار کی، جب امریکہ میں لاکھوں مزدور ایک ساتھ ہڑتال پر اتر آئے۔ رپورٹوں کے مطابق، تقریباً 11,000 فیکٹریوں کے تقریباً 3.8 لاکھ مزدور اس ہڑتال میں شامل ہوئے۔ ان کا بنیادی مقصد کام کے اوقات کم کرکے 8 گھنٹے روزانہ کرنا تھا۔

یہ تاریخی تحریک مزدوروں کے حقوق کی سمت میں ایک بڑا موڑ ثابت ہوئی اور یہیں سے یکم مئی کو یومِ مزدور کے طور پر منانے کی روایت شروع ہوئی۔ بعد میں اس دن کو بین الاقوامی سطح پر تسلیم کر لیا گیا اور دنیا کے کئی ممالک میں اسے سرکاری تعطیل کے طور پر بھی منایا جانے لگا۔

آج یومِ مزدور محض ایک تقریب نہیں، بلکہ ان جدوجہد کی یاد ہے جنہوں نے محنت کشوں کو وقار کے ساتھ کام کے گھنٹے، بہتر تنخواہ اور محفوظ ماحول جیسے حقوق دلائے۔ یہ دن معاشرے میں محنت کشوں کے تعاون کو اعزاز دینے اور ان کے حقوق کے تئیں بیداری بڑھانے کا موقع بھی ہے۔

دیگر اہم واقعات:

1872 - ممتاز قوم پرست مسلم رہنما وزیر حسن کی پیدائش۔

1913 - مشہور ہندی فلمی اداکار بلراج ساہنی کی پیدائش۔

1945 - سوویت لال فوج کا برلن میں داخلہ۔

1897 - سوامی ویویکانند نے رام کرشن مشن کی بنیاد رکھی۔

1908 - پرفل چاکی نے مظفر پور بم واردات کو انجام دینے کے بعد خود کو گولی ماری۔

1914 - کار ساز کمپنی فورڈ وہ پہلی کمپنی بنی جس نے اپنے ملازمین کے لیے 8 گھنٹے کام کرنے کا قاعدہ نافذ کیا۔

1923 - ہندوستان میں یومِ مئی منانے کا آغاز۔

1956 - جونس سالک کے ذریعے تیار کردہ پولیو ویکسین عوام کے لیے دستیاب کرائی گئی۔

1960 - مہاراشٹر اور گجرات علیحدہ ریاستیں بنیں۔

1972 - ملک کی کوئلہ کانوں کو قومی ملکیت میں لیا گیا۔

1984 - فو دورجی بغیر آکسیجن کے ماونٹ ایورسٹ پر چڑھنے میں کامیاب۔

1993 - سری لنکا کے صدر رن سنگھے پریم داس کی بم دھماکے میں موت۔

2000 - بین الاقوامی بین الپارلیمانی یونین نے پاکستان، آئیوری کوسٹ اور سوڈان کو ملک کی پارلیمنٹ تحلیل کرنے کی وجہ سے یونین کی رکنیت سے معطل کیا۔

2001 - لشکرِ طیبہ اور جیشِ محمد ریاست ہائے متحدہ امریکہ میں دہشت گرد تنظیمیں قرار، ہندوستان امریکہ کی خصوصی 301 فہرست میں شامل۔

2002 - امریکہ کی اپیل پر اسرائیل نے ہیبرون سے فوج ہٹائی۔

2005 - صدام حسین نے مشروط رہائی کی امریکی پیشکش ٹھکرا دی۔

2007 - ای ایس پی این کی جانب سے ون ڈے کرکٹ رینکنگ میں ہندوستان کو 9 واں مقام۔

2008 - صدر جمہوریہ پرتبھا پاٹل نے الہ آباد ہائی کورٹ میں 7 نئے ججوں کی تقرری کی۔

2008 - پاکستان کے طالبان نواز دہشت گرد گروہ کا شمال مغربی سرحدی صوبے کے ڈیرہ آدم خیل شہر پر قبضہ۔

2011 - امریکہ پر 2001 کے حملے کے ماسٹر مائنڈ اسامہ بن لادن کے پاکستان کے ایبٹ آباد میں مارے جانے کی تصدیق۔

2013 - آنجہانی رمیش بھائی کو خراجِ عقیدت پیش کرنے کے لیے ان کی 62 ویں سالگرہ اور یومِ مزدور کے موقع پر سروودے آشرم ٹڈیاواں میں منعقدہ تقریب میں ’بھارت کوش‘ پر رمیش بھائی سے متعلق مواد عالمی قارئین کے نام وقف کیا گیا۔

ہندوستھان سماچار

---------------

ہندوستان سماچار / انظر حسن