وارانسی،3 اپریل (ہ س)۔

پریاگ راج کے تھانہ سیول لائن میں ریویو آفیسر امتحان 2023پیپر لیک معاملے میں دھوکہ دہی ،جعلسازی کی دفعات 420، 467، 468 اور اتر پردیش پبلک ایگزامینیشن ایکٹ کے تحت درج ایک مقدمے میں فرار کرشنا پانڈے کو یوپی ایس ٹی ایف نے وارانسی کے اکھری بائی پاس سے گرفتار کیا۔یہ معلومات ایس ٹی ایف نے جمعہ کو پریس ریلیز کے ذریعہ دی ہے۔

یوپی ایس ٹی ایف نے پیپر لیک معاملے کی تحقیقات سنبھالنے کے بعد، ملزم سبھاش پرکاش اور وویک اپادھیائے کو جون 2024 میں گرفتار کیا تھا، اور اس وقت سے کرشنا پانڈے کی تلاش جاری تھی۔ وارانسی میں چھپے کرشنا کو ایک مخبر کی اطلاع کے بعد گرفتار کیا گیا۔

ہندوستھان سماچار

ہندوستان سماچار / عطاءاللہ