کاٹھمنڈو، 03 اپریل (ہ س) ایران اور امریکہ کے درمیان جاری جنگ کی وجہ سے خلیج اور مغربی ایشیا کے مختلف ممالک سے 38 نیپالی شہریوں کی لاشیں واپس لانے میں مشکلات کا سامنا ہے۔

وزارت خارجہ کے ترجمان لوک بہادر چھیتری نے کہا کہ نیپالی شہری مغربی ایشیائی ممالک میں جنگ کے دوران مختلف وجوہات کی بناءپر ہلاک ہوئے، اور فضائی رابطہ نہ ہونے کی وجہ سے ان کی لاشیں نیپال نہیں لائی جا سکیں۔ ان لاشوں کو نیپال واپس لانے کے لیے ضروری اقدامات کیے جا رہے ہیں اور انھیں جلد واپس لایا جائے گا۔

ترجمان کے مطابق 17 نیپالی شہریوں کی لاشیں سعودی عرب، 15 متحدہ عرب امارات، دو قطر، ایک بحرین اور تین اسرائیل میں پھنسی ہوئی ہیں۔ انہیں نیپال واپس لانے کی کوششیں جاری ہیں۔

اس سے قبل یکم اپریل کو کویت ایئرویز کی پرواز سے نو نیپالی شہریوں کی لاشیں کویت سے لائی گئی تھیں۔ انہیں 291 مسافروں کے ساتھ بھیرہوا کے گوتم بدھ بین الاقوامی ہوائی اڈے پر اتارا گیا۔

---------------

ہندوستان سماچار / عبدالسلام صدیقی