نئی دہلی، 29 اپریل (ہ س)۔ سری لنکا کرکٹ (ایس ایل سی) کے صدر شمی سلوا نے فوری طور پر اپنے عہدے سے استعفیٰ دے دیا ہے۔ بورڈ نے بدھ کو ایک سرکاری بیان میں یہ اطلاع دی۔ سری لنکا کرکٹ نے بیان میں بتایا کہ ایس ایل سی کے صدر شمی سلوا نے آج اپنے عہدے سے استعفیٰ دے دیا ہے۔ ان کے ساتھ ایس ایل سی کی ایگزیکٹو کمیٹی کے عہدیداران اور ارکان نے بھی استعفیٰ دے دیا ہے۔

ایس ایل سی کے مطابق، اس فیصلے سے باضابطہ طور پر صدر انورا کمارا دسانائیکے اور نوجوانوں کے امور اور کھیل کے وزیر سنیل کمارا گاماگے کو مطلع کر دیا گیا ہے۔ تاہم بورڈ نے فوری طور پر استعفوں کی کوئی باضابطہ وجہ فراہم نہیں کی ہے۔ ای ایس پی این کے مطابق، سلوا نے فروری 2019 میں صدر کا عہدہ سنبھالا تھا۔ انہوں نے تھیلنگا سوماتھیپالا کی جگہ لی، جن پر بدعنوانی کا الزام تھا۔ ابتدا میں، سلوا کو سماتھیپالا کا قریبی سمجھا جاتا تھا، لیکن انہوں نے آہستہ آہستہ اس عہدے پر اپنی گرفت مضبوط کر لی اور مسلسل چارمدت کار مکمل کیں، جن میں سے تین انتخابات بلامقابلہ جیتے۔

ان کے سات سالہ دور میں، مردوں اور خواتین کی ٹیموں نے ایشیا کپ کے خطاب جیتے، لیکن مسلسل کامیابیاں ہاتھ نہیں لگیں۔ مردوں کی ٹیم کو درجہ بندی میں نمایاں گراوٹ کا سامنا کرنا پڑا۔ اس کے علاوہ 2023 ون ورلڈ کپ (نویں نمبر پر) اور 2024 اور 2026کے ٹی20 ورلڈ کپ (سری لنکا کی مشترکہ میزبانی) میں مایوس کن کارکردگی شامل ہے۔

ہندوستھان سماچار

ہندوستان سماچار / محمد شہزاد