ممبئی، 25 اپریل (ہ س)۔

ممبئی کرکٹ ایسوسی ایشن (ایم سی اے) نے T20 ممبئی لیگ 2026 سے قبل ری ٹین کئے جانے والے کھلاڑیوں کی فہرست جاری کی ہے جس میں ہندوستانی ٹیم کے کپتان سوریہ کمار یادو، شریس ایئر اور شیوم دوبے جیسے بڑے نام شامل ہیں۔ تمام آٹھ ٹیموں نے لیگ کے چوتھے سیزن سے پہلے تین تین کھلاڑیوں کو برقرار رکھا ہے۔

اس بار سوریہ کمار یادو، شریس ایئر اور شیوم دوبے کے علاوہ یشسوی جیسوال، تشار دیش پانڈے، اجنکیا رہانے، سرفراز خان اور شاردول ٹھاکر کو آئیکون کھلاڑیوں کی فہرست میں شامل کیا گیا ہے۔ انڈر 19 ورلڈ کپ جیتنے والے کپتان آیوش مہاترے کو بھی برقرار رکھا گیا ہے۔

ایم سی اے کے صدر اجنکیا نائک نے ایک باضابطہ بیان میں کہا، یہ تمام فرنچائزز کے مضبوط ارادے کی عکاسی کرتا ہے۔ ہندوستانی کرکٹ میں بڑے ناموں کا برقرار رہنا اس لیگ کی ساکھ اور قد کو ظاہر کرتا ہے۔ مزید برآں، نوجوان کھلاڑیوں کو ان تجربہ کار ستاروں کے ساتھ ڈریسنگ روم میں اشتراک کرنے کا موقع ملے گا، جو کہ ان کی ترقی کے لیے بہت ضروری ہے، ہم ایک اعلیٰ کارکردگی کے ساتھ آگے بڑھ رہے ہیں۔

برقرار رکھنے کے عمل کے مکمل ہونے کے بعد، اب سب کی نظریں کھلاڑیوں کی آئندہ نیلامی پر ہیں، جہاں ٹیمیں اپنے اسکواڈ کو مزید مضبوط کرنے کی کوشش کریں گی۔

پچھلے سیزن میں، سدھیش لاڈ کی کپتانی میں ممبئی ساو¿تھ سنٹرل مراٹھا رائلز نے فائنل میں شریس ایئر کے سوبو ممبئی فالکنز کو پانچ وکٹوں سے شکست دے کر ٹائٹل جیتا تھا۔

ہندوستھان سماچار

ہندوستان سماچار / عطاءاللہ