سیوان، 24 اپریل (ہ س)۔ پولیس سپرنٹنڈنٹ پورن کمار جھا کی ہدایت پر سیوان پولیس نے پرو ایکٹو پولیسنگ کے تحت ایک بڑی کارروائی کرتے ہوئے نگر تھانہ علاقہ سے دو بدمعاشوں کو غیر قانونی اسلحہ کے ساتھ گرفتار کیا۔ایس پی پورن کمار جھا نے بتایا کہ 21 اپریل 2026 کو اطلاع ملی تھی کہ نگر تھانہ مقدمہ نمبر 448/26 کے ملزم کو گاندھی میدان کے قریب دیکھا گیا ہے۔ اس اطلاع پر نگر تھانہ کی پولیس ٹیم نے تیزی سے کارروائی کرتے ہوئے چھاپہ ماری کی۔ اس دوران رام گری کو ایک دیسی ساختہ پستول اور کارتوس کے ساتھ گرفتار کیا گیا۔پوچھ گچھ کے دوران بدمعاش نے اپنے ملوث ہونے کا اعتراف کیا اور ایک اور ملزم کا نام اجے پرساد بتایا۔ اس کی اطلاع کے بعد پولیس نے علاقے میں چھاپہ ماری کرکے اجے پرساد کو گرفتار کیا ۔ اس کے پاس سے ایک کٹا اور ایک کارتوس برآمد کیا۔ ایس پی نے بتایا کہ آرمس ایکٹ کے تحت مقدمہ درج کر کے مزید قانونی کارروائی کی جا رہی ہے۔ انہوں نے واضح کیا کہ ضلع میں جرائم اور غیر قانونی سرگرمیوں کے خلاف مہم جاری رہے گی اور مجرموں کو کسی قیمت پر بخشا نہیں جائے گا۔

ہندوستھان سماچار

ہندوستان سماچار / Mohammad Afzal Hassan