منی پور میں تین گھنٹے میں دو مرتبہ زلزلے کے جھٹکے محسوس ہوئے

امپھال، 21 اپریل (ہ س)۔ منی پور میں منگل کی صبح تین گھنٹے کے وقفے میں زلزلے کے دو جھٹکے محسوس کیے گئے۔ زلزلے کا پہلا جھٹکا صبح 5 بج کر 59 منٹ 33 سیکنڈ اور دوسرا جھٹکا صبح 9 بج کر 3 منٹ 25 سیکنڈ پر محسوس کیا گیا۔ ہندوستانی سیسمولوجی مرکز کے مطابق، زلزلے کی شدت ریکٹر اسکیل پر 5.2 اور 3.3 ناپی گئی۔ پہلا زلزلہ منی پور کے کامجونگ ضلع میں زمین کے اندر تقریباً 62 کلومیٹر کی گہرائی میں واقع تھا۔ زلزلے کا مرکز 24.703 شمالی عرض بلد اور 94.415 مشرقی طول بلد پر درج کیا گیا۔

دوسرا زلزلہ منی پور کے کامجونگ ضلع میں زمین کے اندر تقریباً 56 کلومیٹر کی گہرائی میں واقع تھا، جبکہ دوسرے زلزلے کا مرکز 24.737 شمالی عرض بلد اور 94.185 مشرقی طول بلد پر درج کیا گیا۔ جھٹکے محسوس ہوتے ہی لوگ گھبرا کر اپنے گھروں سے باہر نکل آئے۔ راحت کی بات یہ رہی کہ فی الحال کسی قسم کے جانی و مالی نقصان کی کوئی خبر نہیں ہے۔ انتظامیہ صورتحال پر نظر رکھے ہوئے ہے۔ لوگوں سے محتاط رہنے کی صلاح دی گئی ہے۔

ہندوستھان سماچار

---------------

ہندوستان سماچار / انظر حسن