کوئمبٹور، 18 اپریل (ہ س)۔ جمعہ کی رات کوئمبٹور ضلع کے والپارائی ہل روڈ پرسیاحوں کو لیکر جا رہی ایک گاڑی بے قابو ہو کرکھائی میں گر گئی جس سے نو افراد ہلاک ہو گئے۔ حادثے میں ایک ہی اسکول میں کام کرنے والے 7 اساتذہ سمیت 9 افراد ہلاک ہو گئے۔

کیرالہ کے ملاپورم علاقے سے 13 افراد ایک وین میں والپارائی دیکھنے آئے تھے۔ والپارائی کا دورہ کرنے کے بعد، وہ پولاچی کے راستے کیرالہ لوٹ رہے تھے۔ اسی وقت، والپارائی پہاڑی ٹریک کے موڑ پر ڈرائیور گاڑی پر قابو نہ رکھ سکا اور گاڑی تقریبا 800 فٹ گہری کھائی میں گر گئی۔

اس المناک حادثے میں 7 افراد موقع پر ہی دم توڑ گئے جبکہ 2 افراد پولاچی کے سرکاری اسپتال میں علاج کے دوران دم توڑ گئے۔ پولیس کی تحقیقات سے پتہ چلا کہ جاں بحق ہونے والوں میں 7 اساتذہ شامل ہیں جن میں آشا، شکیلہ، سجیتا، ایک اسکول ملازم جس کا نام مجید ہے، اور ایک 12 سال کا بچہ شامل ہے۔ اس کے علاوہ 3 شدید زخمی افراد کواسپتال میں داخل کرایا گیا ہے۔

کوئمبٹور کے ضلع کلکٹر پون کمار نے کہا کہ امدادی کاروائی بہت تیزی سے کی گئی۔ حادثے کی خبر ملتے ہی کیرالہ کے بجلی کے وزیر کرشنن کٹی پولاچی پہنچ گئے اور کہا کہ وزیر اعلی سے بات کرنے کے بعد مہلوکین کے لئے معاوضے کا اعلان کیا جائے گا۔

ہندوستھان سماچار

---------------

ہندوستان سماچار / عبدالواحد