دھنباد، 15 اپریل (ہ س)۔دھنباد-رانچی مرکزی سڑک پر کیندواڈیہ تھانہ کے نزدیک بدھ کی صبح تقریباً 8 بجے سڑک کا ایک حصہ اچانک تقریباً دو فٹ تک دھنسگیا۔ واقعے سے علاقے میں شدید خوف و ہراس پھیل گیا۔

سڑک دھنسنے کے ساتھ ہی کئی مقامات پر دراڑیںنظر آنے لگیں جس سے کسی بڑے حادثے کا خدشہ بڑھ گیا ہے۔ صورتحال پر ردعمل ظاہر کرتے ہوئے کیندواڈیہ پولیس نے فوری طور پر کارروائی کرتے ہوئے سڑک کے دونوں طرف بیریکیڈنگ کرکے مرکزی سڑک کو بند کردیا۔ فی الحال، ٹریفک کو قریبی لنک روڈ کے ذریعے موڑا جا رہا ہے اور لوگوں سے احتیاط برتنے کی تاکید کی گئی ہے۔

کیندواڈیہ تھانہ انچارج پرمود پانڈے کے مطابق، معاملے کی اطلاع بی سی سی ایل اور ضلع انتظامیہ کو دے دی گئی ہے۔ اس سڑک کو مستقل طور پر بند کرنے کا فیصلہ حفاظتی وجوہات کی بنا پر لیا جا سکتا ہے۔

مرکزی سڑک ٹوٹنے سے ٹریفک مکمل طور پر ٹھپ ہو کر رہ گئی ہے۔ اطلاع ملنے پر، بی سی سی ایل کے ملازمین اور سی آئی ایس ایف کی ایک ٹیم جائے وقوعہ پر پہنچی اورسیکورٹی کے پیش نظر سڑک پر بیریکیڈنگ کر دی گئی، تاکہ کسی بھی ناخوشگوار واقعے سے بچا جا سکے۔

مقامی باشندوں اور وارڈ 12 کے کونسلر کے نمائندے کرشنا راوت نے الزام لگایا ہے کہ بی سی سی ایل لوگوں کو ہٹانے کی سازش کر رہی ہے۔ ان کا کہنا ہے کہ لوگ نقل مکانی کے لیے تیار ہیں لیکن ان کی شرائط پوری نہیں کی جا رہی ہیں۔ مقامی لوگوں مونو پاٹھک، شیلیش پانڈے، رام اوتار سنگھ اور بیریندر توری نے بتایا کہ سڑک تقریباً ڈیڑھ سے دو فٹ تک دھنس گئی ہے۔ غور طلب ہے کہ اس علاقے میں گزشتہ کئی مہینوں سے زہریلی گیس کا اخراج ہو رہا ہے جس کے نتیجے میں متعدد افراد ہلاک ہو چکے ہیں۔ مین روڈ کا دھنسنا اب تشویش کا باعث بن گیا ہے۔

ہندوستھان سماچار

ہندوستان سماچار / محمد شہزاد