انڈین ویلز، 9 مارچ (ہ س) ۔

ہندوستان کے ٹاپ ڈبلز کھلاڑی یوکی بھامبری اور ان کے سویڈش پارٹنر آندرے گورانسن نے شاندار کارکردگی کے ساتھ انڈین ویلز ماسٹرز کے پری کوارٹر فائنل میں جگہ بنا لی ہے۔ ہند-سویڈش جوڑی نے پہلے راونڈ میں فرانس کے فیبریس مارٹن اور نیدرلینڈ کے ڈیوڈ پیل کو سٹریٹ سیٹس میں 6-1، 6-3 سے شکست دی۔

غیر سیڈ بھامبری اور گورانسن شروع سے ہی میچ پر حاوی رہے۔ انہوں نے اس پہلے راو¿نڈ کے میچ میں پانچ بار اپنے مخالفین کی سروس کو توڑا۔ 66 منٹ کے میچ میں بھامبری اور گورانسن نے پانچ ایکز مارے، جبکہ ان کے حریف صرف تین میں کامیاب ہوئے۔ پیل اور مارٹن نے میچ کے دوران چھ ڈبل فالٹ بھی کیے جس کا فائدہ انڈو سویڈش جوڑی کو ہوا۔ پری کوارٹر فائنل میں بھامبری اور گورانسن کا مقابلہ نیدرلینڈ کے سینڈر آرینڈز اور جمہوریہ چیک کے جیری لہیکا سے ہوگا۔ارینڈز اور لہیکا کی جوڑی نے سیکنڈ سیڈڈ برطانوی کھلاڑیوں جولین کیش اور لائیڈ گلاسپول کو شکست دے کر بڑا اپ سیٹ کیا۔

یوکی بھامبر، دنیا میں 23 ویں نمبر پر ہیں، اس سال کے پہلے ماسٹرز سیریز ٹورنامنٹ میں حصہ لینے والے واحد ہندوستانی کھلاڑی ہیں۔ بھامبری کی کارکردگی کو ہندوستانی ٹینس کے لیے ایک مثبت اشارہ قرار دیا جا رہا ہے، آئندہ ٹورنامنٹ میں اچھی کارکردگی کے مظاہرہ کی امید کی جا رہی ہے ۔

ہندوستھان سماچار

ہندوستان سماچار / عطاءاللہ