نئی دہلی، 7 مارچ (ہ س): خواتین کے عالمی دن کے موقع پر، مرکزی حکومت 8 مارچ کو شی لیڈز انڈیا شکتی واک آن دی کرتویہ پتھ کا اہتمام کرے گی۔ خواتین اور بچوں کی ترقی کی مرکزی وزارت کے مطابق، یہ دوڑ صبح 7:30 بجے سے صبح 10:00 بجے تک منعقد کی جائے گی، یہ تقریباً 2 کلو میٹر کی دوڑ کرتویہ پتھ کے راستے پر انڈیا گیٹ سے وجے چوک تک کی جائے گی۔ 150 سے زائد وزارتوں، محکموں اور تنظیموں سے تقریباً 3,000 خواتین شرکت کریں گی۔

تقریب میں مسلح افواج، پولیس، میڈیا، صحت، کھیل، صنعت، حکومتی اداروں اور نچلی سطح کے اداروں کی خواتین شرکت کریں گی۔ اس کی قیادت خواتین ہی کریں گی جن میں مرکزی وزراء، وزرائے مملکت، ارکان پارلیمنٹ، اراکین اسمبلی اور مختلف شعبوں سے تعلق رکھنے والی ممتاز خواتین شخصیات شامل ہوں گی۔ پروگرام کا آغاز معززین کے مختصر خطابات سے ہوگا، جس کے بعد اس کو جھنڈی دکھا کر روانہ کیا جائے گا۔

کرتویہ پتھ پر خواتین سے متعلق اہم حکومتی اسکیموں اور مختلف شعبوں میں خواتین کی کامیابیوں کو دکھانے والی ایک نمائش کا انعقاد بھی کیا جائے گا۔ انڈیا گیٹ پر ایک ثقافتی پروگرام کا انعقاد کیا جائے گا، جس میں روایتی رقص جیسے ڈولو کنیتھا، کلاریپایاتو، سرینگاریمیلم، رانچندی، اور گھومر کے ساتھ ساتھ وندے ماترم کا بڑے پیمانے پر پیش کیا جائے گا۔

ہندوستھان سماچار

---------------

ہندوستان سماچار / عبدالواحد