بھوپال، 05 مارچ (ہ س)۔

عالمی یوم خواتین پر خواتین اور لڑکیوں کے حقوق، تحفظ اور انصاف تک ان کی آسان رسائی کو یقینی بنانے کے لیے ’’حق، انصاف، کارروائی - خواتین اور لڑکیوں کے لیے‘‘ تھیم پر ایک خصوصی پروگرام کا انعقاد کیا جائے گا۔

رابطہ عامہ افسر بندو سنیل نے جمعرات کو بتایا کہ یہ پروگرام 8 مارچ کو دارالحکومت بھوپال کے سورن جینتی آڈیٹوریم میں منعقد کیا گیا ہے۔ پروگرام کی صدارت وزیر برائے ترقی نسواں و اطفال نرملا بھوریا کریں گی۔ پروگرام کا مقصد خواتین اور لڑکیوں کو ان کے حقوق کے تئیں بیدار کرنا، انصاف کے حصول کے عمل کو سادہ اور آسان بنانا اور معاشرے میں تحفظ اور احترام کا ماحول مضبوط کرنا ہے۔ پروگرام میں مختلف موضوعات پر مکالمہ اور بیداری کے سیشن منعقد کیے جائیں گے، جن میں گھریلو تشدد کے قانون کی معلومات، انصاف چو پال کے ذریعے قانونی امداد کے ماڈل، ذہنی صحت اور سائبر سیکورٹی جیسے اہم موضوعات شامل رہیں گے۔

انہوں نے بتایا کہ پروگرام میں سماجی اداروں کی جانب سے اپنے تجربات اور کامیاب پہلیں شیئر کی جائیں گی، تاکہ خواتین کے حقوق کے تحفظ اور ان کی بااختیاری کے لیے موثر ماڈل سامنے آسکیں۔ ساتھ ہی گھریلو کام کاج کرنے والی خواتین کی جانب سے ’پاور واک‘ کے ذریعے خود اعتمادی، عزت نفس اور نسوانی طاقت کا پیغام دیا جائے گا۔

ریاستی کمیشن برائے خواتین کے سکریٹری سوریش تومر، کمیونٹی پولیسنگ کے ڈی آئی جی ونیت کپور، خواتین کے تحفظ کے ونگ کے اسپیشل ڈی جی انیل کمار، ریٹائرڈ اے ڈی جی ٹریننگ انورادھا شنکر خواتین کے تحفظ اور بااختیاری کے مختلف پہلووں پر اپنے خیالات کا اظہار کریں گی۔ اس موقع پر مختلف شعبوں میں نمایاں کارکردگی دکھانے والی خواتین کو اعزاز سے بھی نوازا جائے گا۔ ساتھ ہی سائبر ویل بیئنگ کو فروغ دینے کے مقصد سے ریاستی کمیشن برائے خواتین اور آہان فاونڈیشن کے درمیان ایم او یو پر دستخط بھی ہوں گے۔

ہندوستھان سماچار

---------------

ہندوستان سماچار / انظر حسن