جونپور، 27 مارچ (ہ س)۔ اتر پردیش کے جونپور ضلع کے ملہنی اسمبلی حلقہ میں واقع پھول پور گاو¿ں میں پیش آئے حالیہ المناک واقعہ کے بعد، سماج وادی پارٹی کے ایک وفد نے جمعہ کو متاثرہ خاندان سے ملاقات کی۔ ایس پی کے قومی صدر اکھلیش یادو نے 2 لاکھ روپے کی مالی امداد کا چیک سونپا۔ گاو¿ں کے رہائشی للئی یادو کو بدمعاشوں نے مبینہ طور پر پیٹ پیٹ کر ہلاک کر دیاتھا، جس سے پورے علاقے میں غم اور غصے کا ماحول ہے۔

سماج وادی پارٹی کے قومی صدر اور سابق وزیر اعلیٰ اکھلیش یادو کی ہدایات پر تشکیل کردہ ایک وفد نے ضلع صدر راکیش موریہ کی قیادت میں متاثرہ خاندان سے ملاقات کی۔ وفد میں ملہنی ایم ایل اے لکی یادو، سابق ایم ایل اے محمد ارشد خان، صدر اسمبلی حلقہ کے صدر وریندر یادو، ملہنی اسمبلی کے صدر نظام الدین اور کئی دیگر عہدیدار شامل تھے۔

وفد نے غمزدہ خاندان کو تسلی دی اور مالی امداد کے لیے اکھلیش یادو کی جانب سے 2 لاکھ روپے کا چیک پیش کیا۔ ضلع صدر راکیش موریہ، ایم ایل اے لکی یادو اور سابق ایم ایل اے محمد ارشد خان نے مشترکہ طور پر کہا کہ سماج وادی پارٹی ہر متاثرہ کے ساتھ کھڑی ہے اور انصاف کو یقینی بنانے کی ہر ممکن کوشش کررہی ہے۔

---------------

ہندوستان سماچار / عبدالسلام صدیقی