جموں،27 مارچ (ہ س)۔

جموں و کشمیر کے لیفٹینٹ گورنر منوج سنہا نے جمعہ کو نریندر مودی کے اس فیصلے کو سراہا، جس کا مقصد مغربی ایشیا کے بحران کے باعث ایندھن کی سپلائی میں ممکنہ رکاوٹوں سے گھریلو صارفین کو محفوظ رکھنا ہے۔ایل جی نے سوشل میڈیا پلیٹ فارم ایکس پر جاری اپنے بیان میں کہا کہ وزیر اعظم نے عوامی فلاح کو ترجیح دیتے ہوئے ایک تاریخی قدم اٹھایا ہے، جو عام شہریوں کے معیارِ زندگی کے تحفظ کے عزم کی عکاسی کرتا ہے۔انہوں نے بتایا کہ حکومت نے پٹرول اور ڈیزل پر مرکزی ایکسائز ڈیوٹی میں فی لیٹر 10 روپے کی کمی کی ہے، جبکہ ڈیزل پر 21.5 روپے فی لیٹر اور ایوی ایشن ٹربائن فیول پر 29.5 روپے فی لیٹر ایکسپورٹ ڈیوٹی عائد کی گئی ہے تاکہ ملک میں ایندھن کی دستیابی یقینی بنائی جا سکے۔

منوج سنہا نے وزیر اعظم کا شکریہ ادا کرتے ہوئے کہا کہ یہ اقدام قیمتوں میں اضافے کو قابو میں رکھنے، عوام کو راحت دینے اور قومی مفادات کو ترجیح دینے میں اہم کردار ادا کرے گا۔

ہندوستھان سماچار

ہندوستان سماچار / محمد اصغر